E luna di aprel akí, e programa piloto pa skrinmentu di poblashon pa kanser na pechu ta kuminsá na
Saba. Den e dos añanan ku ta bini, ta bai invitá tur hende muhé entre 50 i 75 aña pa partisipá.
Inisio di e programa di skrinen akí na Saba ta resultado di kolaborashon entre RIVM, Saba Cares, i St
Maarten Medical Center (SMMC). Detekshon tempran ta esensial pa tratamentu eksitoso i hopi biaha
ta enbolbi intervenshon ménos invasivo. Si detektá kanser na pechu tempran, tin mihó chèns tambe
pa sobrebibí.
Intake
Durante e periodo di dos aña, Saba Cares ta yama tur hende muhé den e grupo di edat i invitá nan pa
un sita di intake. Durante e intake, e koordinadó di skrinen ta splika e proseso inkluso logístika, i kada
partisipante ta risibí tur informashon tokante e programa di skrinmentu pa kanser na pechu.
Partisipantenan ta biaha den grupo di seis ku un buelo charter pa St.Maarten. Skrinmentu ta tuma
lugá na SMMC riba djárason, un òf dos biaha pa luna. Partisipashon ta grátis.
Kalidat konfiabel
A trein e téknikonan di laboratorio na St. Maarten Medical Center pa hasi e mamografianan
(radiografia). E Sentro di Ekspertisio Hulandes pa Skrinen ta responsabel pa nan entrenamentu i
kalidat di e skrinen.
Akuerdo pa post-kuido
A yega na akuerdo ku Saba Cares i St. Maarten Medical Center tokante post-kuido. Saba Cares ta
informá e hende muhénan ku a skrin tokante kualke apnormalidat ku a detektá i lo referí nan tambe
na spesialistanan na St. Maarten Medical Center pa tèst adishonal. Nos ta purba haña un sita
siguiente dentro di un siman. Dependé di e resultado, SMMC ta regla test i tratamentu adishonal si ta
nesesario.
Enkuentro di hende muhé
Djadumingu 16 di aprel, 2023 , di 4pm -7pm, Saba Cares ta organisá un fiesta di lansamentu di
Skrinmentu di Kanser na Pechu huntu ku un presentashon chikitu tokante e tópiko na Ocean Club
Saba.
