Hulandes na Haiti ku ta enfermo òf ku mester di yudansa probablemente por bai riba buelo di evakuashon di e fransesnan. Ministerio di Asuntunan Eksterior aktivamente ta alertá e grupo di hulandes aki riba e posibilidat pa bandoná Haiti. E ministerio di Asuntunan Eksterior franses djadumingu último a duna di konosé ku e lo ehekutá buelo for di Haiti pa hende franses vulnerabel.

E fransesnan a pone Hulanda na altura ku probablemente tin “poko lugá” disponibel pa hende enfermo òf
ku mester di yudansa ku ta bini di paisnan sosio di Union Oropeo. Si bo ta enfermo òf mester di yudansa i bo tin motibu urgente pa bandoná e pais, e ora ei nos ke pidi bo pa tuma kontakto ku e Sentro di Kontakto di NederlandWereldwijd’. Esaki por via e number di telefòn +31 247 247 247.

Te ku e momentu aki Ministerio di Asuntunan Eksterior no a risibí niun petishon di yudansa di hulandesnan na Haiti. E ministerio ta pidi un biaha mas na e hulandes- i abitantenan di e parti Karibense di Reino na Haiti: tuma kontakto ku e servisio di informashon: https://informatieservice.nederlandwereldwijd.nl . Esaki ta konta tambe pa persona ku tin un pèrmit di estadia legal na Hulanda òf un pèrmit bálido pa Aruba, Kòrsou, Sint Maarten, Boneiru, Sint Maarten, Sint Eustatius i Saba. Si bo tin famia òf amigu na Haiti ku ta kumpli ku e indikashonnan aki, por fabor animá
nan pa registrá nan mes. Alertá nan ku e servisio aki t’ei, i pidi nan pa registrá nan mes via e opshon Aanmelden + registratie bij ambassade’ riba https://informatieservice.nederlandwereldwijd.nl

error

Enjoy this blog? Please spread the word :)

WordPress Cookie Plugin by Real Cookie Banner