Entrante 15 di yüli 2023, Koninklijk Marechaussee, lo supervisá di manera mas estrikto riba estadia ilegal ora ta biaha sali for di isla. E kadena di estranhero di Hulanda Karibense, ku ta konsistí di Koninklijke
Marechaussee (KMar), Servisio di Imigrashon i Naturalisashon Hulanda Karibense (IND), Asuntunan Sosial i Empleo Hulanda Karibense (SZW CN) i Kuerpo Polisial Hulanda Karibense (KPCN) pa basta tempu kaba ta konstatá ku tin un oumento den estadia ilegal na Hulanda Karibense.
Koninlijke Marechaussee (KMar), ku na Hulanda Karibense (segun e Lei di Seguridat BES mediante e Lei di Atmishon i Deportashon BES) ta enkargá ku e tarea di supervisá frontera, entrante 15 di yüli lo kuminsá chèk e términonan legal korekto di tantu estranhero komo hulandes na un manera mas estrikto.
Na momento ku surpasá un término ya kaba tabata duna un but. Entrante 15 di yüli KMar por entrega un proposishon pa ‘deklarashon indeseá’ na IND CN banda di e but di sèn na momento ku surpasá e término. Por deklará e estranhero òf hulandes komo indeseá pa Hulanda Karibense pa periodo indefiní. E ora ei KMar lo nenga e estranhero òf hulandes entrada na momento ku e biaha pa e isla.
Por haña mas informashon tokante e tema ‘estadia’ riba e wèpsait di Rijksdienst Caribisch Nederland: www.rijksdienstcn.com .
