Tabata djabièrnè último, unda nos Parlamentarionan a risibí e invitashon pa a tira un bista rondó
di e skol di fishi, kual pronto lo ta operashonal pa ku nos refineria.
3 aña largu nos a debatí i bati kabes en buska di un posibel solushon pa mantené nos refineria habrí.
Awe, na yüni di aña 2022, nos ta pará dilanti e posibel solushon di mas grandi te na e momentu aki;
reapertura di nos refineria, ku e meta spesífiko pa eduká i reeduká nos trahadónan, di moda ku nos
por sigurá un kalidat di operashon di trabou sumamente haltu.
Riba e djabièrnè di 3 di yüni aki, Parlamentarionan a risibí presentashonnan na nivel serka nos
propio yunan di tera, mayoria èks trahadónan di refineria, kende lo tin e tarea pa ta e dosentenan
pa ku e skol di fishi aki. No ta trata solamente di traspasá konosementu, sino di un nivel intelektual,
ku un ‘masterplan’ magnifiko kreá, pa sigurá ku nos refineria lo sigui drai pa añanan sin ningun
problema.
Aparte di ta un pilar ekonómiko fuerte pa nos isla, nos lo ta trahando tambe riba e vokashon di nos
hendenan i nivelnan di enseñansa den kada arena. Nos muchanan por ehèmpel ku ta mas práktiko
i por desembolbí mihó ku nan mannan lo tin e oportunidat pa desempeñá riba nan propio nivel.
E invershonista aktual ta un èks presidente di antes PdvSa, ku ya tin konosementu di nos refineria
i nos entorno i nos kapasidat di produkshon lokal. Di su parti tambe tin un entusiasmo grandi pa
kuminsá operá i prepará pa ku e skol di fishi.
E refineria en kuestion, ta spera di por okupá un kantidat di 2800 kupo di trabou, di kual e luna aki
mes lo tin registrashon ofisial. Despues di esaki, lo pasa pa repartishon di e grupo, unda lo repartí
e registrashonnan den e grupo ya eksperensiá i e grupo ku lo mester risibí e formashon di skol di
fishi aki.
Ta di añadí tambe, ku tur nos Parlamentario ku no tabata konforme ku e presentashonnan duná.
Ámbos banda, tantu oposishon komo koalishon tabata sumanente kontentu i a sali konvensí i yená
ku motivashon despues di e guia den e skol di fishi aki.
Ban aploudí e bunita desempeño ku e ku gerensia di RdK i CRU aki ta hasiendo, i akudí masalmente
na e registrashon ofisial riba e fechanan di 10 i 11 di yüni, di 12or di mèrdia pa 7or di anochi. Di
parti di partido MFK, i sigur mi persona, un pabien na nos refineria.
