Wardakosta i Citro mester a sali pa asistí diferente boto ku a hañanan ku problema ku motor na kaminda pa Kòrsou. Diferente boto ku a sali Boneiru ayera pa regresa bèk Kòrsou a enkontrá nan mes ku problema ku motor na kaminda i mester a pidi asistensha riba e number 913 di Wardakosta. E botonan di Citro, esta e Sea Rescue i Dick Braakman a tou dos boto hiba Kòrsou seif. Un otro boto ku tabata na kaminda pa Kòrsou, pero ku a hañ’é ta stòp na Klein Kòrsou pa motibu di problema ku motor, a haña asistensha di un
Metal Shark di Wardakosta. Tur e botonan i e personanan na bordo a yega bèk kas sano i salvo.
Wardakosta ta avisá doñonan di boto pa hasi mantenshon regular na nan botonan. Pa propio seguridat na bordo mester tin: sufisiente chaleko di salbabida, un flèshlait ku bateria i un pitu, un EHBO kit, sufisiente awa, aparato pa paga kandela, VHF radio òf un sellular kargá. Evita e chèns di un aksidente òf situashon peligroso riba laman kubo boto òf seadoo. Den kaso kubo mester di yudansa bo por yama Wardakosta riba 913 òf VHF radio 16. Gosa di laman i bichnan na un manera seif.
