Dia 21 di febrüari tabata Dia Internashonal di Idioma Materno. Papiamentu ta un idioma usá den tur gremio di nos komunidat i ta papiá pa un mayoria grandi na Boneiru, sea nase aki òf nò. Entre e idiomanan krioyo, papiamentu ta un di esnan mas desaroyá.
En konekshon ku selebrashon di Dia Internashonal di Idioma Materno, SKAL huntu ku Fundashon Akademia Papiamentu a organisá kompetensia di diktado entre skolnan primario. Meta di e diktado ta pa kompetí kontra otro pa saka esnan ku por skirbi papiamentu segun ortografia ofisial ku ménos fayo. Nobenta alumno di seis skol a partisipá. Tur mucha a traha e diktado pareu. Kada skol tabatin un lesadó. Na tur skol a lesa mesun diktado.
Ganadonan di diktado 2024 ta:
Kolegio Rayo di Solo, Rayney Frans i Skye Versnel, Skol Amplio Papa Cornes, Aaliyah Roosje i Kolegio San Bernardo Acaysna Reina.
Kolegio Rayo di Solo a bai ku e trofeo di ‘Ganadó Diktado Nashonal 2024. E skol aki den komparashon ku tur skol ku a kompetí su alumnonan huntu a hasi ménos fout.
Fundashon Akademia Papiamentu i SKAL ta yama danki na tur skol i nan alumnonan pa a partisipá na diktado 2024 i tambe na tur lesadó.
