STINAPA Bonaire ta anusiá ku for di 1 di mei te 31 di òktober ta prohibí pa kohe kref den awanan di
Boneiru, Klein Bonaire i Lac. Den e periodo aki kref ta par, p’esei e prohibishon. E lei aki ta kana
samsam ku esun di Venezuela. Den e periodo di 1 di mei te 31 di òktober no por kue, kumpra, sirbi,
bende ni kome kref fresku.
Ora e temporada habri atrobe dia 1 di novèmber por kohe kref entre Willemstoren i Malmòk na e
kosta pariba di Boneiru. Kref ku kue den e temporada ei mester midi mas grandi ku 12 centimeter si
midi di punta di kabes pa e lomba, ku otro palabra e rabu no ta den e midí.
Durante di e periodo di kalor e kreft muhénan por pone kasi shenmil webu. Esaki por sosodé dos
biaha den e periodo. E ta tene e webunan riba su rabu pa algun siman te ora nan ta kla pa sali. Ta
prohibí pa kohe kref ku tin webu.
ARTIKULO 11 ‘EILANDSBESLUIT ONDERWATERPARK’ AB 2010 # 14
