23 di mart 2024 a tuma luga elekshon Mosa di Kultura 2024. Un aktividat ku a keda organisá pa Della Thode di e grupo di simadan: E simia bon plantá. Tabata un elekshon di dos kategoria kaminda tantu nos reinanan hubenil komo infantil por a demostra nan talento i alabes nan konosementu riba e simia ku nan a representá. Den kategoria infantil a konta ku un total di 3 partisipante i den kategoria hubenil a konta ku un total di 2 partisipante.

E partisipantenan den kategoria infantil tabata:

Arianna Mendoza Rodriguez Simia Pampuna

Zhavia Alexander Simia koko

Dhaysha Martina Simia Patia

Kategoria hubenil nos partisipante nan tabata:

Raeesha Sint Jago Simia di kòmkòmber chiki

Kei’anna Nieuwker Simia di papaya

E atardi a kuminsa ku un bunita show di apertura ku a karga e tópiko : E Simia bon plantá den man di Johnrick Anthony i tambe e grupo di baile Mosa di Kultura. Kaba a sigi ku presentashon di spich kultural sigí pa show di talento kaminda kada unu por a amplia riba nan simia i a terminá ku desfile di trahe kultural i tambe kombersashon ku maestro di seremonia.

Resultado a keda lo sigiente:

Kei’anna Nieuwkerk Prome finalista Mosa Hubenil i alabes miho spich kultural.

Raeesha Sintjago Mosa Hubenil i alabes, Mosa Popular, Mosa Miho Show, Mosa Trahe original, Mosa Trahe Impaktante

Den kategoria infantil resultado tabata lo sigiente:

D’haysha Martina : Segundo finalista Mosa Infantil

Arianna Mendoza Rodriguez: Promé Finalista Mosa Infantil

Zhavia Alexander : Mosa Kultura Infantil i alabes, Mosa media sosial, Mosa popular, Mosa Spich Kultural, Mosa miho show, Mosa trahe original, Mosa trahe Impaktante

E grupo di simadan e simia bon plantá ta mira bèk riba un elekshon eksitoso.

error

Enjoy this blog? Please spread the word :)

WordPress Cookie Plugin by Real Cookie Banner