Boneiru, Sint Eustatius i Saba ta entre e grupo selektá di 30 isla ku Union
Oropeo a skohe pa partisipá den e proyekto ’30 for 2030’. E islanan asigná
despues di un proseso di selekshon amplio, por konta ku sosten intensivo di
Union Oropeo pa realisá su ambishon di tin un suministro di energia
kompletamente duradero pa mas tardá den 2030.
Gabinete di enviado speshal Edison Rijna pa Hulanda Karibense pa fondonan
di Union Oropeo, fondonan di Union Oropeo i relashon ekonómiko ku
Latinoamérika, a guia e trayekto kompleto te ku presentashon di e
proposishonnan di proyekto. E tin entre otro komo tarea pa lokalisá programa-
i fondonan na Union Oropeo ku ta brinda oportunidat na e islanan di Hulanda
Karibense. Mesora despues di identifiká e proyekto ’30 for 2030’, e enviado a
informá e islanan. Komo ku esakinan a reakshoná ku entusiasmo,
representashon a regla pa e islanan haña asistensia di ekspertonan kontratá
(entre otro di TU Delft) pa skirbi nan proposishonnan.
E interes pa e proyekto tabata partikularmente grandi. E siman akí e bon
notisia a drenta ku a honra e proposishonnan di proyekto di Boneiru, Sint
Eustatius i Saba. Nan ta e úniko islanan den e área karibense ku nan e
proposishonnan a logra pasa e proseso di selekshon. Union oropeo ta mira e
islanan eligí komo e pioneronan ku, hasiendo uso di fuentenan di energia
renobabel, ta bai eliminá dependensia di kombustibel fosil kompletamente
den e añanan benidero i asina fungi komo ehèmpel pa otro isla-, region- i
siudatnan
Komisario di Union Oropeo pa Energia, Kadri Simson: “E islanan selekshoná
awor tin e oportunidat pa sirbi komo modelo inovativo pa realisá sistemanan
di energia limpi. Esaki lo sòru pa konosementu balioso pa otro islanan, di kua
hopi di nan ainda ta dependé fuertemente di kombustibel fosil karu importá.
Nan por ta ehèmpel tambe pa transishon di energia den siudat- i regionnan
rònt mundu.”

4
Sekretario di Asuntunan Interno i Relashon di Reino Alexandra van Huffelen:
“Mi ta felisitá e entidatnan públiko ku e bunita notisia akí. E sosten di Union
Oropeo ta un komplementashon agradabel di e kooperashon ku nos tin komo
gobièrnu ku e islanan, pa hasi nan suministro di energia mas ekológiko i na
mes momentu manten’é pagabel. Mi ta kontentu ku Edison Rijna i su tim a
demonstrá nan balor asina lihé kaba despues di a start komo
representashon.”
Enviado Edison Rijna: “E éksito akí ta un logro di e tim ku ta proba ku
trahando huntu komo isla chikitu, por hasi bon negoshi ku e aparato grandi di
Union Oropeo ku lo bo no logra nunka bo so. Durante e dos bishitanan di
trabou ku mi a hasi na Bruselas e último seis lunanan, mi a ripará kon útil ta
ku e islanan, huntu ku e representashon, ta disponé di un puesto avansá.”

error

Enjoy this blog? Please spread the word :)

WordPress Cookie Plugin by Real Cookie Banner