E siman aki e trabounan a kuminsa na e edifisio di Sociedad San Antonio de Padua na Blvd. Miguel A. Pourier nr. 66  na Rincon. E edifisio di e organisashon lo disparsé i lo bin un edifisio nobo na e sitio.
E trabounan ta na enkargo di e kontratista Gerrel Construction B.V.  Taxabon ta enkargá ku diseño, direkshon i supervishon di e trabounan. E trabounan di konstrukshon lo termina den e di dos mitar di 2024.

E proyekto aki a bira posibel grasias na gobiernu di Entidat Publiko Boneiru i eks-diputado sr. James Kroon ku a pone e supsidio disponibel  pa Sociedad San Antonio de Padua hasiendo uso di e medionan ku tabata reservá na Fundashon Wega di Number Boneiru. E grupo di trabou Sport en Bewegen ku ta maneha e fondonan i BOG n.v. i  direktor di BHM Adely Susanna – Jansen a atende pa e fondonan a yega serka e organisashon. Mientras ku e trabounan ta tumando lugá miembronan mester akudí na kas di famia Schermer na Plasa Commerce pa por paga kontribushon riba djadumingu mainta di 9’or pa
12’or. Direktiva di Sociedad San Antonio de Padua, ku ta kumpli 100 aña dia 1 di novèmber 2024,
ta gradisí tur hende ku ta enbolbí den e proyekto bunita aki i ta pidi komprenshon pa e
inkumbinensia ku e trabounan aki por okashoná.

error

Enjoy this blog? Please spread the word :)

WordPress Cookie Plugin by Real Cookie Banner