Kralendijk (18 di sèptèmber 2023) – Tourism Corporation Bonaire (TCB) ta bai organisá
su último Taste of Bonaire pa aña 2023.
E evento ta bai tuma lugá riba djasabra 30 di sèptèmber 2023 den Parke Wilhelmina for
di 6’or di atardi pa 11’or di anochi den un tremendo ambiente ku e tema ‘Turismo’. E Taste
of Bonaire akí ta relashoná ku klousura di luna di turismo.
E programa lo ta kargá ku músika i talento i lo tin stènt ku ta bende kuminda lokal i
internashonal. E agrupashon musikal Rítmiko Timon Krioyo i tambe TES A FESA lo ta
presente pa animá e anochi akí. Pa duna e Taste of Bonaire un toke mas atraktivo tin un
tremendo show di Brass Band The Boyz i presentashon di DJ Kiart. Durante e anochi akí
tin entrega di premio na e ganadónan di nos tremendo Spùrtògt.
Nos ta invitá pueblo di Boneiru i tambe tur nos bishitantenan pa bin pasa un ratu ameno
huntu ku nos riba djasabra 30 di sèptèmber 2023 na e último Taste of Bonaire pa e aña
akí ku e tema ‘Turismo’ den Parke Wilhelmina.
Pa mas informashon por tuma kontakto ku TCB via telefòn 717-8322 òf manda un email
pa Angelo Domacasse na angelo.domacasse@bonaireisland.com.
