Tourism Corporation Bonaire (TCB) a anunsiá su apoyo pa i akuerdo ku Luis Moka i GENTZ, komo parti di e akuerdo di kolaborashon ku nan a firma na luna di aprel 2022 ku Luis Moka komo embahador lokal di Boneiru. Despues di e partisipashon eksitoso di Luis Moka na Festival di Tumba 2024 na Kòrsou, e hóben artista akí a haña oportunidat pa partisipá na vários presentashon na Kòrsou pa selebrá Karnaval 2024 den kolaborashon ku GENTZ.

“Nos ta rekonosé Luis su asombroso talento i su tremendo personalidat”, segun Miles Mercera, direktor di TCB. “Personalmente mi ta konsider’é komo un strea hóben i talentoso ku ta subiendo na firmamento. Mester selebrá Luis Moka su dedikashon i su esfuersonan pa tene nos tradishonnan lokal bibu pa medio di músika. TCB ta rekonosé su esfuersonan pa kompartí i promové nos patrimonio lokal, nos músika i nos manera di biba (Krioyo pa bida) ku mundu. E oportunidat akí ku GENTZ ta un manera perfekto pa promové nos kultura, nos patrimonio i nos hendenan na Kòrsou. No lubidá ku: It’s In Our Nature.” Luis Moka mes tambe a bisa: “Mi ta sinti mi honrá i yen di pashon. Mi ta kla pa sigui promové nos músika lokal, nos baile i nos ritmo – di Rincon pa mundu.”

Luis Moka ta bai partisipá na diferente presentashon na vários festival na Kòrsou, inkluyendo e paradanan di Karnaval.

error

Enjoy this blog? Please spread the word :)

WordPress Cookie Plugin by Real Cookie Banner