Bahia di Lac ta un atrakshon grandi pa turismo ku por ta orguyoso di tin un variashon amplio di habitat koriendo di ref di koral na rant di e boka te na kama ekstenso di yerba di laman te na e mondi mas grandi di palu di mangel (mangrove) den region di Karibe Hulandes. E área akí ta e sitio pa un seri di aktividat nobo pa restorá habitatnan marino importante den kuadro di un proyekto ku Stichting Nationale Parken Bonaire (STINAPA Bonaire) ta bai realisá ku fondo di parti di RESEMBID na rason di €792,480.

STINAPA Bonaire i “the Resilience, Sustainable Energy and Marine Biodiversity Programme / Programa pa Resiliensia, Energia Duradero i Biodiversidat Marino (RESEMBID)” a firma e akuerdo pa supsidiá e proyekto riba djaluna 13 di yüni 2022. RESEMBID ta traha ku fondo di Union Oropeo i ta implementá pa Expertise France – e agensia di desaroyo di koperashon di Gobièrnu di Fransia. E ta sostené esfuersonan duradero humano den 12 Pais i Teritorio Karibense (LGO) – Aruba, Anguilla, Boneiru, British Virgin Islands, Islanan Cayman, Curaçao, Montserrat, Saba, Statia, Saint Barthélemy, Sint Maarten i Islanan Turks i
Caicos. “Bahia di Lac ta un ekosistema sumamente importante. E ta un lugá di refugio pa para migratorio,
e ta funshoná komo un krèsh pa piská i turtuga, i ta un atrakshon turístiko grandi riba e isla,” Judith Raming, Manager di Parke Nashonal Marino Boneiru a bisa. Ku e proyekto akí e kapasidat di personal di e Parke lo krese. “Ku e sosten di RESEMBID, nos rangernan di parke lo haña oportunidat pa bai ehekutá na forma mihó e mantenshon di e legislashon di naturalesa. Nos tim ta ansioso pa bai traha na un futuro mas duradero pa Lac!” Raming a deklará.

E proyekto bou di e título ‘‘Realisá un Ekonomia Blou na Boneiru: Restorando Biodiversidat Marino i Promoviendo Rekreo Duradero den Bahia di Lac” tin sinku meta prinsipal: restorá habitatnan marino importante, promové rekreo duradero, realisá kumplimentu ku legislashon di naturalesa, monitoreá kalidat di awa, i sigurá finansiamentu duradero. “Nos ta hopi ansioso pa kolaborá ku STINAPA den kuadro di e proyekto importante i grandi aki, inkluso un variedat di aktividat di restorashon integrá pa e habidat úniko i kompleho di Lac” Francesca Virdis, Hefe di Empleado di Operashon di Reef Renewal Foundation Bonaire, a bisa. “Komunikashon i komprometementu distakeholdernan lo bira importante pa éksito i finalmente sigurá ku naturalesa i komunidat tur dos lo benefisiá na término largu.” Fabian Mckinnon, Direktor di Programa na RESEMBID a bisa, “Ta kasi un tremendo koinsidensia ku a finalisá e akuerdo di RESEMBID ku STINAPA djis algun dia despues di selebrashon di Dia

Mundial di Oséano di e aña akí, di kua e tema tabata Revitalisashon: Akshon Kolektivo pa Oséano.
E trabou ku STINAPA lo bai hasi pa restorá e habitatnan marino asina importante ta un ehèmpel fenomenal di e akshon kolektivo akí. RESEMBID ta realmente konmové pa tantu finansiá e trabou
akí komo pa duna sosten tékniko ku lo sigurá ku esaki lo ta un proyekto duradero ku ta benefisiá
e pueblo di Boneiru pa añanan pa bini” Diputadonan James Kroon, Hennyson Thielman i Gezaghèber Rijna a duna inisio na e proyekto, ku ta trese kuné un seri di oportunidat interesante pa mehorá e salubridat i e resiliensia di Bahia di Lac, i tambe promové rekreo duradero. E proyekto ta inkluí restorashon di yerba di laman i di koral, alsa sosten na e parke ku mas presensia i kampaña edukashonal i tambe un Estudio di Impakto riba Medioambiente relashoná ku kobamentu di santu for di e bahia.

“Preshon riba hende i medioambiente lo sigui subi rònt Boneiru. Bahia di Lac lo bai su mes konfrontá ku nivelnan sin presedente di menasa dor di uso pa rekreo i efektonan di kambio di klima ku ta subi regularmente, manera e fluho entrante di sargasum i e deterioro di kondishon di awa. Inisiativanan manera e programa di RESEMBID ta duna e hèrmèntnan nesesario pa krea kapasidat lokal i desaroyá resiliensia mehorá pa e área natural importante akí. Mi ta sumamente kontentu ku e programa di RESEMBID a duna supsidio na STINAPA pa ehekutá e proyekto akí pa e Bahia di Lac”, segun diputado Kroon. Diputado Thielman a trese dilanti: “Esaki ta un proyekto importante pa e desaroyo duradero di
nos isla. Aki nos ta mira kon naturalesa i desaroyo ekonómiko por kana huntu man den man. Mi
ta sumamente gradesido na e programa di RESEMBID pa e kontribushon finansiero pero tambe
na STINAPA pa nan vishon pa trese naturalesa ku desaroyo ekonómiko duradero huntu”. Sigui STINAPA su páginanan di medionan sosial pa informashon periódiko nobo tokante e desaroyo di e proyekto.

OLYMPUS DIGITAL CAMERA
error

Enjoy this blog? Please spread the word :)

WordPress Cookie Plugin by Real Cookie Banner