Durante nan Reunion General ayera nochi 7or na PWFC, Sindikato DOEN a haña komo mandato pa eksigí un reunion ku konseho di minister ya komo ku minister Kid Martina di BPD a ninga di sinta na mesa ku DOEN pa trata e drentamentu di DOEN den GOA. Durante reunion general presidente di DOEN, señora Felipa a tuma kontakto ku promé minister ku na su turno mesora a konfirmá un sita ku Sindikato DOEN. Konseho di minister lo risibí Sindikato DOEN awe mèrdia 2or pa trata e tópiko kayente akí; esta drentamentu di DOEN den GOA. Un tópiko ku wowo di henter komunidat ta riba djé.

Algun Pregunta Klave!

Kon gabinete Pisas II lo posishoná su mes pa ku aktual desishon anti sindikal i anti trahadó di minister Kid Martina? Gabinete Pisas II ta bai di akuerdo i aseptá ku ta viola derechinan fundamental di trahadónan den enseñansa? Gabinete Pisas II lo pèrmití ku ta diskrimá trahadónan den enseñansa? Esaki ta algun pregunta klave ku lo subi mesa durante e deliberashonnan akí. Tur trahadó den enseñansa, miembro i no-miembro di DOEN ku ta sostené Sindikato DOEN den e lucha pa drenta GOA pa por representá su mas di 300 miembro manera tratadonan internashonal i nos leinan lokal ta preskiribí, ta bon biní pa ta awe mèrdia 2or ta na Alameda!!!

error

Enjoy this blog? Please spread the word :)

WordPress Cookie Plugin by Real Cookie Banner