Despues ku na luna di yüni 2023 a laga hasi un promé análisis di aire ku ta sali for di e fòrnu di kima shushi, a tuma e desishon pa hasi un segundo análisis. Esaki ta un investigashon mas profundo riba e tipo di supstansianan ku lo por tin den e aire ku ta sali for di e fòrnu di kima shushi.

E segundo midishon/análisis aki lo dura te ku 16 di febrüari 2024 na nos Afvalcentrum Lagun. E kompania Environmental Compliance Limited (ECL) ta esun enkargá pa hasi e investigashon aki. Durante e investigashonnan aki, ta rekonosé presensia di funshonario di e direktorado di Supervishon i Mantenshon di Lei, huntu ku algun empleado di Selibon N.V., pa asina supervisá e investigashon aki. Asosashon Pro Lagun, ku ta representá e habitantenan di Lagun, ta na altura di e investigashon aki i ku Selibon N.V. a sòru pa e habitantenan ku a deseá, pa keda evakuá pa un otro sitio durante e periodo aki i asin’ei sòru pa nan no mester sinti niun posibel efekto di e aire ku ta saliendo. Selibon N.V. ta sigui ku su esfuersonan pa di un forma efisiente, saludabel i ku medionan ku ta kumpli ku nos metanan di medio ambiente, buska alternativanan pa prosesá sushi di forma responsabel.

error

Enjoy this blog? Please spread the word :)

WordPress Cookie Plugin by Real Cookie Banner