Den e akuerdo aki tin palabrashon konkreto entre Saba i Reino tokante mas desaroyo di un Saba duradero i outosufisiente. Pa alkansá e meta aki a inkorporá kuater (4) tema den e akuerdo: ‘mehorá siguridat di eksistensia’, ‘desaroyo ekonómiko i espasial’, ‘klima i naturalesa’ i ‘bon gobernashon’. E temanan aki ta den liña ku e ‘Saba Visie 2030’ i e karta di liñanan grandi di e gabinete. Den e último lunanan a traha duru pa yega na palabrashon riba e temanan aki. “Mi ta kontentu ku e kolaborashon agradabel i di aserka ku Saba,” e sekretario di estado ta bisa. “Huntu nos ta sigui traha pa mehorá e siguridat di eksistensia pa e abitante di Saba i konstruí un futuro duradero pa e isla.” Meskos ku sekretario di estado Van Huffelen, diputado Bruce Zagers ta kontentu ku e kolaborashon pa loke ta trata e ‘Saba Package 2.0’, ku ta basá riba palabrashon hasí den e Saba Package 1.0 (2019-2022). “Firmamentu di
e ‘Saba Package 2.0’ ta marka un momentu importante, pa motibu ku e pakete ta bai tin un impakto positivo riba hopi faseta di e isla i abitante. E oportunidatnan ku e pakete ta ofresé, ta resultado di un bon kolaborashon i konfiansa mutuo entre Saba i Den Haag.”

Siguridat di eksistensia i ‘Vrije uitkering’
Gabinete ta invertí den mehorashon di e stándarnan di bida di e abitantenan di Hulanda Karibense, loke por sigurá mihó entrada i benefisio. Banda di esaki ta oumentá e ‘Vrije uitkering’ di Saba strukturalmente. Tambe gabinete i Saba ta komprometé pa redusí kosto di mantenshon di bida pa e Sabanonan
kaminda ta posibel.

Klima, naturalesa, desaroyo ekonómiko i desaroyo espasial
Ademas, Saba i Reino konhuntamente ta invertí den un transishon aselerá pa mas ku nobenta (90) porshento di energia duradero i den konservá i mantené e naturalesa vèrsá di Saba. Tambe ta empeñá riba un desaroyo espasial responsabel i saludabel ku mira riba naturalesa. I ku elaborashon di un
‘culture policy plan’ ta pone un paso bunita pa invertí den e kultura riku di Saba.

Bon gobernashon
Banda di esaki e aña aki ministerio di Asuntunan Interno i Relashonnan den Reino ta invertí 1.6 mion euro den desaroyo di atministrashon i organisashon di gobièrnu di Saba. E rekursonan pa duna impulso na e plannan ku ta den e akuerdo, ta bini for di entre otro e CN-envelop (strukturalmente 30 mion euro). Tambe gabinete ta invertí 35 mion euro pa konservashon di naturalesa i medioambiente i
ehekushon di e Plan di Maneho di Naturalesa i Medioambiente pa Saba, Boneiru i Sint Eustatius.

error

Enjoy this blog? Please spread the word :)

WordPress Cookie Plugin by Real Cookie Banner