SABA- pa kontinua ku bon maneho finansiero, Entidat Públiko Saba a presentá riba djabièrnè 1 di sèptèmber na konseho Insular e proyekto di presupuesto 2024, ku ta kumpli ku e Lei di Supervishon Finansiero di Entidatnan Públiko Bonaire, St. Eustatuis i Saba FinBES.
E komisario di Finansa, Bruce Zagers, a bisa ku e entrega di e presupuesto tabata debí na e trabou duru i dedikashon di e Departamento di Finansa, kaminda ku sosten finansiero di Gobièrnu hulandes a realisá invershonnan pa amplia i profeshonalisá e ekipo ainda mas.

Ku un ekipo finansiero sólido, nos ta den un mihó posishon pa kumpli ku e terminonan. Mi ta orguyoso di e ekipo aki i di e bon trabou ku nos hendenan ta hasi”, Zagers a deklará. E komite d Supervishon Finansiero CFT awor lo tin dos siman pa asesora riba e presupuesto 2024, despues lo hasi e kambionan final i lo ta ka pa nan maneho den e konseho Insular. Entidat Públiko Saba ta konosí pa su maneho finansiero sólido. Sinembargo aña pasa esaki a retrasa un tiki den e presentashon di e presupuesto 2023 pa motibu di falta di kapasidad den Departamentu di Finansa i e fushon entre e Reseptor di e Isla i Departamentu di Finansa.

E aña aki e proseso di maneho di presupuesto lo ta kla na tempu. FinBes ta preskribi ku e presupuesto aprobá mester ser presentá na Minister di Interior i Relashonnan di Reino (bzk) promé ku 15 di novèmber di e aña promé ku e presupuesto nobo.

error

Enjoy this blog? Please spread the word :)

WordPress Cookie Plugin by Real Cookie Banner