E team di atletismo na Boneiru, a representa nos isla dignamente ku 16 atleta i 5 coach durante Trupial Classic 2022 na Curaçao.
Durante e weekend di 8 i 9 di juli ultimo, SV ATHENE a partisipa na e di 30 aña di Trupial Classic. I Trupial Classic 2022 no tabata un eksepshon. Trupial Classic a keda honra ku presensia di e siguiente país nan:
– Surinam
– Republica Dominicana
– Sint Maarten
– Hulanda
– Aruba
– Curaçao
– Bonaire
SV ATHENE ta sumamente orguyoso di tur 16 atleta ku a partisipa. Un mayoría di nos atleta nan ta nobo den un deporte di Atletismo, a pesar di e kompetensha fuerte di e delegashon nan, varios di nos Atleta nan a sa di posishona nan mes den top 10 di nan kategoria.
Esaki ta un seguransha ku e deporte di Atletismo ta bibu i tin hopi potenshal pa futuro.
Boneiru a konkista 3 medaya, 2 di brons i 1 di oro.
Dejean Francees brons den U 20 riba 200m Tempu 22.91 sec
Niki Knevel Brons den U 11 riba 400m tempu 1.18.67 I Oro riba Bulá lew 3.39m .
SV ATHENE ta gradisi kada Atleta , Mayor i instansha espasial mente Ennia i MCB Bankku a deposita nan konfiansa den nos i ta ku por sigui konta ku boso sostén pa huntu nos yega na e meta desea.
SV ATHENE on OUR way TO the OLYMPICS!!
