E futuro empresarionan a risibí nan sertifikado ku hopi orguyo. Orphaline Saleh tabata presente
komo representante di gobièrnu di Boneiru i a motivá e kursistanan pa sigui traha riba nan desaroyo
personal. Segun Orphaline, esaki ta e fundeshi pa bo sigurá bo mes komo un empresario eksitoso.
Gaby Felix kende ta un empresario na Boneiru pa 40 aña kaba tambe tabata presente durante e
seremonia i el a duna un spich pa inspirá e krusistanan kaminda el a duna diferente tep na e futuro
empresarionan!
‘Small Business Academy’ ta un produkto di Qredits, ehekutá dor di Qredits
Durante un periodo di 12 siman, diferente lès balioso a keda duná dor di dosentenan Phartuchand
Martha i Maideline Hooi-Martijn. Tambe diferente ‘workshop’ a keda duná dor di instruktornan;
Flora Wijnand, Jefferson Rosalia, Derchlien Vrolijk, Miluska Hansen i Susan Willems.
Diferente tópiko empresarial a bini dilanti durante e programa di ‘Small Business Academy.’ E
kursistanan mester a definí nan mishon i vishon, un análisis personal, un análisis di merkado, e
desaroyo di e idea di un empresario, e strategianan di merkadeo i un finansiamentu apropiá. Banda
di esaki, e kursistanan a sigui e ‘e-learning’ di Qredits. E programa digital aki a yuda e kursistanan pa
skibi nan plan di negoshi dor di sigui diferente stap. Pa a finalisá e programa, e kursistanan a presentá
nan plan na diferente eksperto ku a konsistí di Qredits, un representante di Entidat Públiko Boneiru i
un empresario lokal ku eksperensia.
Ku e programa di ‘Small Business Academy’ Qredits ke stimulá e klima empresarial di Boneiru i di e
forma aki sigurá desaroyo ekonómiko i sostenibel.

error

Enjoy this blog? Please spread the word :)

WordPress Cookie Plugin by Real Cookie Banner