Prome Minister Evelyn Wever-Croes a ricibi bishita di Minister di Relacion Exterior di Suriname, Albert Ramdin. Mirando cu Suriname ta traspasando un momento di stabilidad y na caminda, tin e oportunidad di gas y petroleo na 2027-2028, ta pone cu Suriname ta keda un pais hopi interesante pa Aruba haci negoshi cu ne. Pa e motibo aki, Prome Minister na varios ocacion a extende un invitacion na Minister
Ramdin pa bin Aruba pa reuni riba e diferente posibilidadan di cooperacion.

Durante e reunion, a delibera riba varios punto na unda Aruba cu Suriname lo por traha hunto. Un di e puntonan ta, cu Suriname por exporta, pa Aruba importa fruta, berdura, y pisca. Tambe, Suriname ta hopi interesa den exporta pa Aruba, pero pa por logra esaki, e gobiernonan lo mester yega na otro pa wak con por facilita e procesonan aki. Importante tambe ta pa trece e sector priva di Aruba hunto cu e sector priva di Suriname pa mira si tin interes di parti di Aruba pa importa e productonan aki. Prome Minister a expresa di ta contento di por tabatin e oportunidad di reuni cu Minister Ramdin. Minister Ramdin, den nomber di Prome Minister Chandrikapersad Santokhi, a extende uninvitacion na Premier Wever-Croes, pa bishita Suriname pa concretisa e palabracionnan aki. Gobierno di Aruba tambe a manda un invitacion na Prome Minister di Suriname pa bishita Aruba. E viahenan aki lo wordo concretisa e aña aki. Prome Minister a indica cu e meta di Gobierno ta pa logra cu e progreso cu tin aki na Aruba por traduci su mes den bienestar den cada hogar. Costo di bida ta hunga un rol grandi pa e comunidad, y p’esey Gobierno ta comprometi pa haci tur loke ta na nan alcanse pa yega na productonan di calidad na un miho prijs.

“E bishita di Minister Ramdin tabata uno exitoso. Durante su bishita, el a logra haci diferente palabracionann cu demas ministernan aki na Aruba. Tambe, Gobierno a logra haci palabracionnan di cooperacion entre Aruba y Suriname riba diferente nivel pa asina logra mas progreso y bienestar pa e comunidad” Prome Minister a expresa.

error

Enjoy this blog? Please spread the word :)

WordPress Cookie Plugin by Real Cookie Banner