E MQ-9 Reaper ta un avión di eksplorashon sin tripulashon i e por bula for di distansia.Ku e tipo di sistema aki Defensa por kompilá informashon for di aire. E sistema ta konsistí di 4 avion, 4 stashon na suela i un aparato di komunikashon.Un piloto i un operador di sensor ta ehekutá e mishon. Nan no tin nodi di ta presente pa por kumpli ku e mishon aki.Esaki ta motibu pa kual e sistema ta keda yamá tambe RPAS (Remotely Piloted Aircraft System).Banda di esaki tin un tim di personal tékniko ku ta enkargá ku e parti di mantenshon di e avion i e sistemanan.Koninklijke Luchtmacht a risibí e MQ-9 Reaper den luna di febrüari 2022 i e sistema a keda konstruí den Karibe.Defensa ta hasiendo tèst ku e sistema desarmá na Kòrsou debí na e klima faborabel i e disponibilidat di espasio aéreo.Lo por usa e MQ-9 Reaper pa tareanan di Defensa den Karibe pa e.o. duna sostén na outoridatnan sivil i/òf pa hasi investigashon i supervishon.Tu esnan ku tabata presente a haña e presentashon i informashon risibí hopi interesante.
