Durante reunion di Komishon Sentral, Parlamentario independiente Christophe Emmanuel a kuestioná e produktividat i e inisio di e Kámara di Integridat, indikando ku e no ta mira lo ke nan ta hasi i ku e no ta un instituto di e pueblo di St. Maarten. Na su turno, Sr. Rafael Boasman, miembro di e Kámara di Integridat a indiká ku e no ta di akuerdo ku e remarke último aki, paso parlamento, ku ta representá pueblo, a vota riba e legislashon pa implementá un Kámara di Integridat.
