Orco Bank ta anunsiá ku entusiasmo su kolaborashon ku Reef Renewal Bonaire durante ReeFiesta, un evento remarkabel ku tin komo meta krea i krese konsensho pa renobashon i konservashon di koral riba nos isla! ReeFiesta no ta djis un aktividat; e ta un oportunidat uniko pa sambuyadó di tur nivel partisipá den aktividatnan pa restorá koral den nos awa nan. Pa esnan ku no ta sambuya, ReeFiesta ta brinda un chèns pa mira ku propio wowo e trabounan i tur e esfuerso ku e organisashon aki ta hasi na sitionan di
restaurashon di koral aki na Boneiru.
Segun señora Abigail Paula, Country Branch Manager Bonaire (Interino) pa Orco Bank: “Nos tur sa ku sambuya ta un pilar importante di nos turismo aki na Boneiru, ku ta kontribuí di forma signifikante ku e
ekonomia i prosperidat di nos isla. Pues preservá i renobá koral ta inmensamente importante pa Boneiru
i su populashon. Kada un di nos por hasi e diferensia, sea ta ku partisipashon aktivo den trabou di
restaurashon òf kreando konsenshi di e importansia di protehé nos medio ambiente marino”.
Orco Bank ta kere firmemente den e signifikansia di preservá i renobá e koral impreshonante ku ta
rondoná nos isla. Nos ta kompronde ku e bienestar i prosperidat di nos turismo ta depende di e salú di
nos eco-sistema marino. Dor di duna apoyo na evento manera ReeFiesta, nos ta kontribuí aktivamente den konservashon di nos koral. Nos ta rekonosé e importansia di praktika nan sustenibel i ta hasi lo maksimo pa inspirá otro pa djòin nos den e kausa vital aki!
