Djarason 22 di mei, Ofisina di Turismo a duna rekónosementu na Sr. Andres “ Nel” Nicolaas, komo embahador di Bonaire.Sr. Nicolaas no ta un persona deskonosi na Bonaire, mirando ku durante aña nan 90 a labora komo Manager di restaurant na e prestigioso Divi Flamingo Beach Resort & Casino.
Despúes ku su prome esposa a bin fayese Sr. Nicolaas a opta bai bai establese na Colombia, na unda e a bolbe forma su biba ku su aktual esposa Sra. Gladis Elena Nicolaas. Na Medellin Colombia, e pareha a kuminsa yuda boneriano nan ku ta wordu manda pa tratamentu nan mediko mas avansa. Nan ta hasiendo esaki pa hopi aña kaba boluntariamente. Pa su kontribushon balioso den asisti boneriano nan na Medellin Colombia, TCB a haña ku ta na su luga pa honra Sr. Nicolaas komo embahador di Bonaire.
