Entrada prinsipal di warda di polis na Playa bek den uzo
Entrante djabièrnè 1 di desèmber e bali di ‘intake’ di Kuerpo Polisial Hulanda Karibense a bai bek na
parti di kustumber den e edifisio di warda di polis. Esaki ta nifiká ku e ta aksesibel bek via di e
entrada prinsipal di e edifisio.
E bali di ‘intake’ tabata situá temporalmente den otro parti di e edifisio di warda di polis i p’esei
tabatin otro entrada temporalmente. Motibu pa esaki tabata trabounan ku tabata tumando lugá den
lokalidat di kustumber kaminda e bali di ‘intake’ ta alohá.
E bali di ‘intake’ ta aksesibel 7 dia pa siman, 24 ora pa dia pa entre otro hasi un ‘melding’ òf un
‘aangifte’. Por lokalisá e bali di ‘intake’ telefónikamente tambe via 715 8000.

Kòntròl di tráfiko plania
Entre 5 or i 6 or di atardi riba djaweps 30 di novèmber, a tene un kòntròl di tráfiko plania riba Kaya
Industria. E kòntròl tabata dirigí riba kòntròl di personanan ku ta usa telefòn selular na momento ku
ta partisipá den tráfiko. Durante di e kòntròl a duna un total di 10 but pa vários violashon.
Esakinan tabata pa e siguiente violashonnan:
5x pa manehá sin faha di seguridat bisti;
1x manehá sin reibeweis;
2x pa hasi yamada miéntras ta stür;
2x pa manehá sin plachi di number riba e vehíkulo.
Faha di seguridat
Bisti bo faha pa bo mes seguridat. Un faha di seguridat ta protehá okupante di un outo durante di un
aksidente. Dor di uza e faha e persona protehá ta keda sinta riba su stul, no tin e posibilidat pa dal su
kabes den winshil i no ta keda bentá den e outo p’aki p’aya. Dor di bisti bo faha di seguridat bo chèns
di tin un aksidente mortal ta baha ku 30 pa 40%. Tambe patras den outo bo tin 20% ménos chèns di
keda herida seriamente ora bo tin bo faha bistí.

Persbericht/ Komunikado di prensa
BONAIRE
Verzonden door afdeling Communicatie K.P.C.N.
E-mail: Pers.Voorlichting@politiecn.com
Website: www.politiecn.com
Aan : allen/na tur
Verzonden/mandá : 01-12-2022
Totaal/Total : 5 pagina’s
Bijlage/anekso : 1 foto/ 1 potrèt

Communicatie KPCN pagina 2 of 1
Telefòn
Uzando bo telefòn selular miéntras bo ta manehá, bo ta hinka bo mes, pero tambe otronan den
peliger. Pasobra ora nos ta uza nos telefòn nos ta ménos alertá.
Pone bo telefòn for di bista. Asina bo ta prevení e tentashon pa wak tòg. Ora bo ta partisipá den
tráfiko, sea ta ku outo òf riba baiskel, ta importante pa bo ta konsientemente presente. Si bo tin un
persona ku ta ferwagt un mensahe òf yamada di bo, mèldu nan promé ku por ehèmpel bo subi outo,
ku bo no ta bai ta alkansabel pa un ratu.
Dokumentonan bálido
KPCN ta hala atenshon di un i tur pa nan tin e dokumentunan nesesario manera menshoná akiriba,
na òrdu. Tambe ta konsehá estriktamente pa kumpli ku e reglanan di Lei di Tráfiko. Ku esaki bo
tambe ta kontribuí na un tráfiko seif i sigur riba e isla. E periodo benidero lo bai tene kòntròl
regularmente, kaminda lo aktua ku man duru na momentu ku no tin e dokumentunan menshoná
ariba na òrdu i tambe si no ta kumpli ku reglanan di tráfiko.
Bo no ta kumpli ku reglanan? Bo por haña un but.
E suma di un but pa e violashonnan menshoná ta varia entre $30 te ku $225.

Disfrutá, pero bebe na midi
Atrobe ta kasi wikènt. KPCN ke avisá pa konsumí alkohòl ku límite si bo ta partisipá den tráfiko. Asina
bo ta prevení situashonnan fèrfelu pa bo mes i pa otronan. Ta prohibí pa partisipá den tráfiko si bo a
konsumí mas ku e kantidat máksimo permití. Si bo mester bai warda i ta haña un but ta dependé di e
resultado di e tèst di supla.
Tèst di supla
Ku un tèst di suplá polis ta kontrolá si bo ta bou di influensia di alkohòl. Bo ta obligá di partisipá na e
tèst di supla. E tèst aki ta mustra si bo a bebe mas ku ta permití pa lei. Resultado di e tèst aki ta
determiná si bo mester bai warda investigashon mas aleu. Bo ta nenga di hasi e tèst? E ora ei bo ta
haña un prosèsferbal. Dependiendo di e resultado di e tèst di supla bo mester bai warda di polis pa
un análisis di rosea. Durante e investigashon aki polis ta midi presis kuantu alkohòl bo a konsumí ku
un aparato spesial.
Bo ta manehá bou d influensia di alkohòl? E ora ei bo ta haña un but, un prohibishon (temporal) pa
manehá, un kastigu di prisòn òf un kombinashon di e kastigunan aki. E peso di e kastigu ta dependé
di e seriedat di e situashon. Bo ta involukrá den un aksidente? E ora ei ta tèst bo mas lihé pa
konsumo di alkohòl ku durante di un kontrol rutinario.
Mi ta kastigabel si mi ta fuma komo peaton?
Esaki ta posibel. Polis por duna un prosèsferbal pa buracheria públiko. Polis a topa bo den estado
burachi? E ora ei polis ta uza bo aparensia di buracheria i bo aktitut. E ora ei no ta hasi un tèst di
supla.
KPCN ta deseá un i tur un wikènt seif i plasentero!

error

Enjoy this blog? Please spread the word :)

WordPress Cookie Plugin by Real Cookie Banner