Durante e conferencia di prensa Minister Maduro a trece dilanti cu pa inicia e campaña di conscientisacion tabatin mester di un logo. Studiantenan di Educampus como parti di nan Social Studies, bou di guia di docente Kenny Meyers, a ofrece pa diseña un logo pa e proyecto aki. E studiantenan a forma grupo y a entrega varios diseño di e logo, di cual e Comision a saca e logo ganador cual a wordo diseña pa Sarah-Isabelle Lee, Silvia-Andrea Lee y Nicolas Lee. E logo diseña a wordo adapta un poco.

𝘔𝘪𝘯𝘪𝘴𝘵𝘦𝘳 𝘥𝘪 𝘊𝘶𝘭𝘵𝘶𝘳𝘢 𝘢 𝘥𝘶𝘯𝘢 𝘴𝘱𝘭𝘪𝘤𝘢𝘤𝘪𝘰𝘯 𝘺 𝘯𝘪𝘧𝘪𝘤𝘢𝘤𝘪𝘰𝘯 𝘥𝘪 𝘦 𝘭𝘰𝘨𝘰:

𝘊𝘢𝘥𝘦𝘯𝘢: E cadena kibra ta refleha e liberacion di sclavitud, fin di un etapa scur den nos historia. E cadena ta representa tambe e (anhelo di) crecemento di e ser humano den un comienso nobo.

𝘉𝘰𝘵𝘰: E boto ta representa e forma con e esclavonan a wordo transporta na nos isla. Tambe e boto ta representa e rumbo actual cu nos kier tuma: sigui nabega den un direccion nobo.

𝘚𝘰𝘭𝘰: E simbolo di un comienso nobo: despues di e abolicion di sclavitud, Aruba a cuminsa un etapa nobo den e desaroyo socio-economico di nos pais y manera di dia habri y solo sali, nos cada un tin un oportunidad nobo pa progresa.

𝘓𝘢𝘮𝘢: Nos isla ta rondona pa lama y riba nos awanan esclavonan a wordo transporta pa Aruba. Riba e mesun awanan aki nos tin cu fiha nos bista riba un futuro y cambia rumbo pa nabega den e direccion corecto.

𝘚𝘭𝘰𝘨𝘢𝘯: ‘Sclavitud ta parti di nos historia’. Nos tin rasgo den nos presente pero door di ta na altura di esaki, ta hunto so nos por percura pa sclavitud no forma parti di nos presente y futuro.

Minister di Cultura a gradici Educampus pa nan colaboracion y a entrega cada un di e studiantenan ganador di e diseño y directora di Educampus un muestra di aprecio pa nan bunita contribucion na e campaña di conscientisacion y abolicion di sclavitud.

error

Enjoy this blog? Please spread the word :)

WordPress Cookie Plugin by Real Cookie Banner