Representa pa Siouxsie Kock, y acompaña pa un grupo di hobennan. Tur e muchanan ta di San Nicolas y a bini den contacto cu Minister durante e ultimo YES! San Nicolas y a keda impresiona di e evento y presentacionnan.
Ultimo aña como parti di e proyecto ‘To Vote, I Voice: Don’t Count YOUth Out!’, un manifesto di 15 punto a ser crea pa e hobennan di e proyecto. E proyecto di ‘To Vote, I Voice’ a enfoca pa yuda eleva e bosnan di hobennan na Aruba y provee un plataforma pa nan intercambia idea cu esnan encarga cu decisionnan cual ta afecta nan futuro.
E proyecto tambe a enfoca riba encurasha e hobennan pa responsabilisa nan mes pa e cambionan cu nan ta desea di mira den e 4 areanan: salud mental, medio ambiente, educacion y trabou.
Minister Wever ta honra di por ta e prome minister di a ricibi e manifesto aki, cual lo ser presenta na gobierno di Aruba tambe. Por lesa e manifesto digitalmente riba: www.hclfaruba.org/youthmanifesto
