Minister Franc Weerwind pa Protekshon di Derecho lo hasi un bishita di trabou na Sint Maarten, Saba i Sint Eustatius di 19 te 23 di yüni. Durante e bishita akí minister Weerwind ta remplasá minister di Hustisia i
Siguridat Dilan Yeşilgöz-Zegerius durante e Konsulta Hudisial di Kuater Partido (JVO) ku ta tene kada mitar aña. Den e konsulta akí e ministernan di Hustisia di Hulanda, Aruba, Kòrsou i Sint Maarten ta papia
ku otro tokante kolaborashon riba tereno di mantenshon di lei. Aparte di e JVO, minister Weerwind ta bishitá diferente instituto riba tereno di Hustisia i Siguridat.

Sint Maarten
Riba 19 di yüni e bishita ta start na Sint Maarten. Aya minister Weerwind ta papia ku minister di hustisia di Sint Maarten, Anna Richardson, i e ta bishitá Prizòn Point Blanche huntu ku minister Richardson. United Nations for Project Services (UNOPS) lo tene un presentashon tokante su embolbimentu den konstrukshon di un prizòn nobo. Na Sint Maarten minister Weerwind lo bishitá alabes Koninklijke Marechaussee (Kmar) pa mira kon KMar ta kolaborá ku Fransia. Riba 22 di yüni e JVO ta tuma lugá na Sint Maarten.

Saba
Riba 21 di yüni minister Weerwind lo ta na Saba, unda gezaghèber Jonathan Johnson lo risibié i e lo tin un kombersashon ku kolegio ehekutivo. Despues e ta papia ku e organisashonnan ku ta partisipá den Safety Network Saba tokante e aserkamentu multidisiplinario di problemanan kompleho ku por kondusí na
kriminalidat i insiguridat. Finalmente minister Weerwind lo bishitá Harry L. Johnson Museum, unda e lo risibí informashon tokante historia di Saba.

Sint Eustatius
Ta klousurá e bishita di trabou na Sint Eustatius, unda komisario di gobièrnu Alida Francis lo risibié. Na Sint Eustatius minister Weerwind ta papia ku miembronan di kolegio ehekutivo i e ta bishitá Leerorkest Statia, un proyekto ku ta kontribuí na prevenshon di kriminalidat hubenil. Einan minister Weerwind lo entregá instrumèntnan musikal ku lo bai usa den e proyekto. Finalmente minister Weerwind ta bai riba patruya ku polisnan di Kuerpo Polisial Hulanda Karibense Caribisch Nederland (KPCN).

Franc Weerwind, minister voor Rechtsbescherming Beeld: ©RVD – Valerie Kuypers en Martijn Beekman
error

Enjoy this blog? Please spread the word :)

WordPress Cookie Plugin by Real Cookie Banner