E Minister pa Edukashon Primario i Sekundario, señor Dennis Wiersma, ta hiba un bishita introduktorio na Saba, Sint Eustatius i Boneiru di 29 di mei te ku 4 di yüni.
Minister Wiersma: “Tur mucha meresé un bon edukashon i un bon komienso den bida. Ta bon ku pronto por wak kon e skolnan, akohida di mucha i sentro di atenshon edukativo na Saba, Sint Eustatius i Boneiru ta trahando duru riba esaki tur dia. Tambe mi ke skucha kua opstákulo nan ta enkontrá i mi ta spera
na konosé tur hende den i rondó di edukashon na Hulanda Karibense.” Durante di e bishita introduktorio aki, e Minister ta bishitá e skolnan primario i sekundario na e tres islanan. Tambe e ta bishitá e Expertisecentra voor Onderwijszorg (e sentro di ekspertisio pa kuido den edukashon) na kada isla.
Komo parti di e proyekto BES(t) 4 Kids, ta bishitá e organisashon di akohida di mucha Buzzy Bees na
Sint Eustatius. Na Boneiru, e Minister ta bishitá un kompania di formashon huntu ku representantenan di Scholengemeenschap Bonaire (SGB) i Raad Onderwijs Arbeidsmarkt (ROA). Aparte di esei, tin un bishita na e organisashon di akohida di mucha Noah i na e akohida despues di skol Twinkel.
Por lo demas, e minister tin kombersashon ku mandatarionan lokal na e tres islanan.
