Risibí un Kondekorashon Real ta muestra di gratitut na un persona ku a dediká su mes na bienestar di otro siudadano, pa su bario, pa su kultura, naturalesa i bestia, pa gruponan sosial, pa un ò mas organisashon ku tabatin ò tin mester di un empuhe pa sigui padilanti. Ku Kondekorashon Real nos ta balorá su esfuerso i dedikashon.” Esaki Gezaghèber Edsion Rijna a bisa e personanan ku djárason a haña nan Kondekorashon Real.

E kuater persona nan ta Lucrecia Martis Dortalina, Marian Luinstra Passchier, Caryl Els i Jan Jonkman. Un kondekorado a risibí su Kondekorashon Real for di man di Gobernador di Kòrsou señora Lucille George-Wout.  Esaki konforme e maneho di Kanselerij/Kansieria; kaminda e persona ta risibí su rekonosementu na e pais/isla kaminda e ta inskribí.

Lid in de Orde van Oranje Nassau a bira Lucresia Martis Dortalina, Caryl Els, Jan Jonkman (aya na Kòrsou). Ridder in de Orde van Oranje Nassau a bira Marian Luinstra Passchier.

E komishon di Kondekorashon Real ta hasi un yamada na komunidat pa informá nan di personanan ku ta hasi trabou balioso pa nos dushi Boneiru. Nan ta meresé un rekonosementu pa e trabou indispensabel pa e komunidat.

error

Enjoy this blog? Please spread the word :)

WordPress Cookie Plugin by Real Cookie Banner