Diahuebs merdia, 5 di mei, Minister Ursell Arends a atende un reunion entre huez, bewindvoerder, y creditornan den e caso di surseance van betaling di Serlimar Sui Generis. Pa e reunion aki a invita tur compania pendiente pa ricibi pago di Serlimar, y cu ta registra na gerecht in eerste aanleg. Huez den e caso aki a duna oportunidad na tur pa duna nan opinion, sea pro, neutral, of contra di extension di pago, esta e surseance van betaling.Durante e reunion (via volmacht of presente na reunion) solamente 3 di e 80 creditornan – cual ta representa ~3.75% di e creditornan – a demostra nan posicion en contra. E grupo aki ta representa un total di AWG 95,071 for di e total di ~AWG 6.7 miyon (aproximadamente 1.4%).1 representante – cual ta representa mas o menos 0.5% di e total – a keda neutral riba e tema di extension. Ley ta prescribi cu si un minimimo di 25% di e creditornan a mustra nan voto en contra, huez mester considera esaki pa anula e surseance van betaling. Creditornan grandi manera Ecogas Freezone y CTC a vota pro extension di surseance van betaling.Ainda huez tin e palabra final, cual lo ser delibera diabierna 13 di mei 2022. No obstante, cu e resultado di e voto di awe, nos por ta tentativamente optimista cu tur partido envolvi ta mira un mehoracion na caminda, y remediacion di debe pendiente cu Serlimar tin cu e creditornan.
