Den oranan di mardugá riba dia 15 di sèptèmber, un kompania ku ta hür jetski na Aruba a tuma
nota ku 2 di nan vehíkulo a ser hòrta. Nan a kontaktá Korps Politie Aruba (KPA) i huntu ku
Wardakosta Karibe Hulandes a tuma akshon mes ora. E dos organisashonnan a tuma kontakto
ku Wardakosta di Venezuela pa alarma nan, mirando ku e jetski nan tabata nabegá den
direkshon di nan awanan. Wardakosta Venezolano a logra rekuperá tur dos vehíkulo i a aresta
1 di e personanan. Den komunikashon ku Wardakosta Karibe Hulandes i KPA nan lo traha riba
e proseso pa debolbé e jetski nan na e kompania.
== FIN ==
