Parti di vision di maneho di minister Geoffrey Wever ta pa Aruba por tin datos confiabel, di calidad y accesibel. Usuarionan di datos manera publico en general local y internacional, sector priva, mundo academico, studiantenan, parlamento y gobierno tin necesidad na diferente datos.

Minister Geoffrey Wever, a traves di Centraal Bureau Statistiek y e Comision di Sistema Nacional di Estadistica, ta implementando un Sistema Nacional di Estadistica (National Statistical System (NSS)) y a haci na final di 2023 compra di e hardware y software necesario na balor di alrededor di 1 miyon florin. E fondonan pa esaki a bin di e kapitaalinvestering di 2023 di Pais Aruba y fondonan di Hulanda por medio di e Landspakket. Hulanda a pone Afl. 1.459.800,00 disponibel pa yuda Aruba den implementacion di e Sistema Nacional di Estadistica.

E Comision di Sistema Nacional di Estadistica bou guia di Centraal Bureau Statistiek ta haciendo diferente trabou pa implementacion di e Sistema Nacional di Estadistica (NSS)). Un di e partinan esencial di implementacion di e Sistema Nacional di Estadistica ta e ‘Digital Data Platform’ y e ‘Data Dissemination Platform’. Den 2023 a haci un audit di e diseño di e infrastructra di ICT y di e hardware y software necesario pa e infrastructura di ICT ta conforme e necesidadnan di un Sistema Nacional di Estadistica. Den e ‘Digital Data Platform’ datos di diferente fuente lo wordo treci hunto di manera safe y analisa pa por produci estadisticanan oficial. Pa e ‘Digital Data Platform’ ta necesario pa cumpra hardware y software.

Un otro parti esencial di implementacion di e Sistema Nacional di Estadistica ta e parti legislativo. Dentro de poco e concepto di ley di e Sistema Nacional di Estadistica lo wordo entrega na Conseho di Minister.

“Mi ta agradecido na e cu e Comision di Sistema Nacional di Estadistica pa e progreso di implementacion di e Sistema Nacional di Estadistica (NSS)” – Geoffrey Wever.

error

Enjoy this blog? Please spread the word :)

WordPress Cookie Plugin by Real Cookie Banner