Kolegio Ehekutivo ta pensá pa bini ku ‘un mesa di klima pa Boneiru’; esei ta un plataforma unda tur informashon relevante pa e isla tokante kambio di klima ta bini huntu i ta keda analisá pa por pronostiká e konsekuensianan di sekura, wer ekstremo i oumento di e nivel di awa di laman. “Ta importante pa nos ta bon informá tokante e impakto ku e kambio di klima tin pa nos isla, pa asina nos – den koperashon ku e ministerionan i otro partnernan – por tuma medidanan na tempu. Lo por dura un tiki, pero lo yega e momentu ku den kombinashon ku e subida di nivel di awa i tempestat fuerte, por bira un menasa serio
pa e partinan mas abou na e parti sùit di e isla”, esaki segun gezaghèber Edison Rijna.
E menasa pa e kambio di klima no ta bini di laman. E sekura lo tin influensia riba agrikultura lokal. Ménos kaida di áwaseru, pero ku ta mas intenso lo trese molèster di awa i dor di temperatura di laman ku ta subi, Boneiru lo por keda afektá pa tormentonan ku lo ta mas fuerte. E temperatura haltu di laman lo bira un menasa pa e koral i ku esei tambe pa e pilá ekonómiko mas importante pa Boneiru: turismo.
“E mesa pa klima mester bira un sentro di ekspertisio. Nos a pidi Rob Jetten pa pone un manager pa prepará esaki disponibel pa yuda nos lanta e mesa pa klima aki i ku lo yuda habri porta pa nos pa institutonan ku tin hopi konosementu. Di mes ku nos lo invitá nos partner nan lokal pa tuma parti.”
Ta e intenshon tambe ku e ‘mesa pa klima’ lo motivá pa i fasilitá inisiativa nan pa konservá, den kua tambe lo prepará un programa piloto pa stimulá korementu di outo eléktriko. “Mi ta realisá mi mes ku hopi hende lo tin hopi otro kosnan na nan kabesmanera e subida di preisnan. Esei tambe tin tin atenshon di nos gobièrnu.
Den e dianan aki nos ta hibando kombersashonnan intensivo ku minister Carola Schouten tokante pobresa. Na mes momento nos komo gobernante mester wak mas leu. Boneiru mester keda un bon lugá pa bida ariba, tambe pa e futuro generashon.”
