Kámara di Komèrsio den su afan pa sigui promové desaroyo di nos ekonomia ta ofresé webinarnan grátis pa informá esnan ku ta empresario i esnan ku ta plania pa bira empresario. Un di nos metanan prinsipal ta representá e komunidat empresarial den su totalidat, informá i guia e empresario riba e proseso di kuminsá su negoshi pero tambe den kresementu di e negoshi. 
  
Kámara di Komèrsio a tene kuenta ku e situashon aktual di nos komunidat i pa e motibu aki ta ofresé tur webinar gratuito for di promé lockdown na mart 2020, pa eduká e empresario den komodidat di su mes espasio. Durante e webinarnan aki ta brinda e e posibilidat pa risibí tur informashonnan verídiko ku e mester pa un negoshi. Tur kurso planiá i duná na e empresario ta basá riba e nesesidat kompleto di maneho general di e empresa, semper teniendo kuenta ku e kalidat di informashon ku e empresario ta risibí. Kada webinar ta karga ku informashon i rekursonan balioso pa yuda desaroyá i perfekshoná abilidatnan kual despues e empresario por apliká den su negoshi. 
  
Informashonnan riba diferente área manera: konsepto i maneho di negoshi, finansa i finansiamentu, servisio na kliente i merkado, proseso den negoshi, produkshon, informashon legal i kambio di lei, pèrmit pa empresa. Den luna di Mart so ku a kaba di pasa, mas ku 495 partisipante a forma parti di e webinarnan ku a wòrdu ofresé. Den luna di Mei i Yüni nos lo tin e siguiente webinarnan:
Den luna di Mei lo tin e siguiente webinarnan:
 3 i 5 di Mei, presupuesto
 25 i 26 di Mei, tuma desishon stratégiko a base di bo empresa su solvensia i likides
Despues lo sigui luna di Yüni ku e siguiente webinarnan:
 7 i 9 di Yüni, Kostprijs & Verkoopprijsberekening
 21 i 22 di Yüni, Formulario di Registrashon Registro Komersial
  
Pa mas informashon tokante nos webinarnan of registrashon bo por bishita i like nos paginá di
Facebook EmpresaChiki. Despues bo por klik riba events i tur webinar organisá pa Kámara di
Komersio lo paresé riba bo pantaya. Tambe por mira e webinarnan ku nos ta ofrese riba
Linkedin, Instagram, Twitter i otro Facebook (@CuracaoChamber)

error

Enjoy this blog? Please spread the word :)

WordPress Cookie Plugin by Real Cookie Banner