Riba djárason 20 di sèptèmber 2023, a tuma lugá na Posada Para Mira na Rincon, un inisio
festivo di un programa di interkambio organisá pa BES(t) 4 kids pa organisashonnan di
akohida di mucha na Boneiru. Meta di e programa di ‘twinning’ ta pa hasi posibel pa e
organisashonnan na Boneiru por interkambiá di konosementu i eksperensia ku
organisashonnan for di Hulanda Oropeo (i vice vèrsa). Por ehèmpel, ora ta trata di un
ambiente di wega di siña i hunga, i oferta di wega enfoká riba stimulá desaroyo di mucha,
riba tereno di seguridat i salubridat, formashon di ekipo di kolega i otro tópiko ku ta di
importansia pa e kalidat di akohida di mucha.
Durante e inisio festivo riba djárason 20 di sèptèmber, a informá e doñonan di e
organisashonnan di akohida di mucha di tur kos tokante e programa di interkambio i e
organisashonnan for di Hulanda Oropeo i Boneiru a sera konosí ku otro. E organisashonnan
di akohida di mucha ku ta partisipá for di Hulanda Oropeo ta Kindernet, Crescat i Kinop.
Gustosamente nan lo ke kompartí konosementu i eksperensia ku nan koleganan na Boneiru i
tambe siña di nan.
E programa di interkambio ta organisá pa e programa BES(t) 4 kids, riba inisiativa di e
organisashonnan di akohida di mucha di Boneiru i Hulanda Oropeo. E programa lo dura en
todo kaso te ku desèmber 2024.
Saba i Sint Eustatius ya kaba tin eksperensia ku un programa di ‘twinning’ i e resultadonan ta
bon. No solamente ta tremendo pa e organisashonnan i e empleadonan interkambiá
konosementu i eksperensia, pero e programa tin tambe un impakto positivo i enorme riba e
kalidat di akohida di mucha. BES(t) 4 kids ta deseá esaki tambe pa e muchanan na Boneiru.
