Ta nesesario pa modernisá siguridat sosial na Hulanda Karibense. Ku e punto di salida aki, minister Carola Schouten ta presentá e proposishon di lei pa logra esaki na e habitantenan, via di un konsulta riba internèt. Resientemente a puntra e Diálogonan Sentral i entidatnan públiko pa reakshoná riba e plannan.
Vários kambio den lei i reglamentu na Hulanda Karibense ta nesesario pa modernisá e sistema di siguridat sosial na Hulanda Karibense. Ku e kambionan den e proposishon di lei aki, entre otro ta amplia e areglo di ferlòf pa empleado, empleado independiente ku ta na estado ta risibí un benefisio durante di su ferlòf di embaraso i di maternidat meskos ku na Hulanda Oropeo. Tambe ta amplia e legislashon pa inkapasidat laboral, pa asina presta mas atenshon riba re-integrashon. Manera ya a anunsiá anteriormente, ta regla e kompensashon pa yu dòbel pa mayor ku yu ku nesesidat di kuido adishonal strukturalmente den e proposishon di lei. Otro medidanan, manera introdukshon di servisio pa desempleo, lo sigui haña forma den e periodo benidero pa introdusí nan tambe den e periodo di e gabinete aktual.

Tarea konhunto Anteriormente a puntra e Diálogonan Sentral i entidatnan públiko si por manda nan
komentario riba e plannan. Minister Schouten ta haña e input aki di gran importansia, meskos ku ta e kaso riba e reakshonnan ku lo risibí via di e konsulta riba internèt. Por haña e proposishon di lei i e konsulta via di internèt via: www.internetconsultatie.nl/wijzigingswetszwwettencaribischnederland . Por
reakshoná te ku 22 di ougùstùs.

error

Enjoy this blog? Please spread the word :)

WordPress Cookie Plugin by Real Cookie Banner