Un ke otro pa motibu di oumento den prèis di kombustibel. Komo ku WEB ta saka e faktura pa uzo di koriente dos luna despues, e konsumidó lo nota e oumento aki den luna di sèptèmber numa. Unkobon ta premirá ku hopi kas di famia aki na Boneiru lo no por paga e resibu di koriente mas ku konsekuensia ku lo kita koriente di e kasnan ei.

Minister Carola Schouten, enkargá ku pobresa, a ofresé pa yuda esnan ku un entrada té 120% di e punto di referensha teorétiko di e minimo soshal, ku un montante di $ 850,00 pa un solo biá. E punto di referensha teorétiko di e minister sinembargo ta muchu mas abou ku e minimo vital realístiko. Ku e kriterio di minister Schouten hopi kas di famia na Boneiru, ku entrada bou di e minimo soshal, lo no bai risibí e yudansa aki mientras ku na Hulanda si ta e kaso pa esnan ku un entrada té 120% di e minimo vital real.

Unkobon a boga Minister Schouten pa oumentá e entrada máksimo pa bin na remarke pa un supsidio, komo ku e gastunan di kosto di bida ta muchu mas haltu ku e punto di referensha ku e minister ta huza.

Diputado Den Heyer tambe kier huza e gastunan di kosto di bida real pa yega na un entrada máksimo pa bin na remarke pa un supsidio.

OLB i WEB ya ta hasiendo e preparashonnan nesesario pa esnan ku ta bin na remarke pa un supsidio, wòrdu atministrá na tempu. Segun diputado Den Heijer a informá Unkobon ku nan lo bai trata pa haña mas tantu hende posibel ku ta bin na remarke pa e supsidio. Esakinan lo risibí e supsidio outomátikamente. Esnan ku ta bin na remarke pero ku no a wòrdu lokalisá mester bin registrá nan mes.

Unkobon ta premirá ku no solamente esnan ku menos entrada lo konfrontá problema ku e resibunan haltu di koriente sino tambe esnan ku entrada mediano. Si no adaptá e entradanan na e subida drástiko di prèis aki na Boneiru e problema di pobresa lo bira muchu mas grandi.

error

Enjoy this blog? Please spread the word :)

WordPress Cookie Plugin by Real Cookie Banner