E promé reunion di Parlamento di aña 2024 ta tras di lomba. Tres tópiko ku a hala mi atenshon:

  1. Oposishon a yuda pa forma quorum i Parlamento por a trata kredensialnan di un miembro
    nobo di Parlamento di koalishon.
  2. Parlamento a inisiá aña tratando un reunion pidí 3 di Mart 2022, esta 2 aña promé ku
    karakter di urgensia i
  3. Pa koroná obra, algun miembro di Parlamento a inisiá un diskushon fuera di órden di
    reunion pa aplasá tratamentu di presupuesto di pais, pa e no kai pareu ku siman di Festival di
    Tumba.
  4. Oposishon a yuda pa forma quorum i Parlamento por a trata kredensialnan di un miembro
    nobo di Parlamento di koalishon.
    Den un pais ku ta respetá demokrasia, no ta nada straño ku oposishon ta yuda forma quorum
    pa trata kredensial di un miembro di Parlamento di MFK. Esaki ta remarkabel mirando e echo
    ku esaki ta kontrali MFK ku for di 2016 a hasi un kustumber pa ninga di forma quorum, esta
    stroba demokrasia i stroba entrada na Parlamento di tur miembro ku no ta miembro di MFK.
    Nan a keda konsistente den esaki.

E ironia tabata ku durante e reunion aki hustamente MFK tabatin mester di yudansa di oposishon pa forma quorum pa permití, sr Lourens, tuma su posishon komo miembro di Parlamento. Koalishon tabata konta ku 10 miembro so presente. Lo tabata remarkabel si oposishon a ninga di presentá…..
Positivo ta ku oposishon (PAR, MAN,TPK i KEM), kontrali na MFK, demokrasia ta mas ku un
palabra bashí ku ta usa ora ta kumbiní so.

Den e aanwijzing di 3 di mart 2021[1], Gobièrnu di Reino i Raad van State di Reino ta konkluí
ku e komportashon di miembronan di oposishon (MFK, KDNT i MP) tabata unu anti demokrátiko, ku ta stroba e funshonamentu konstitushonal di Parlamento i ta stroba e funshonamentu demokrátiko di gobernashon di pais. Mas aleu e la mina e balornan di un estado di derecho i ta violá derechinan humano
fundamental di e miembro di parlamento skohé. Positivo i Históriko tabata por lo ménos ku lider di Frakshon di MFK, sr Doran, a deklará públikamente ku e aktitut di MFK di a ninga un miembro di parlamento skohé pa asumí su posishon tabata un eror humano. Ta di spera ku e posishon aki lo no kambia, momentu ku e no ta kumbiní MFK mas. Pues tabata un dia históriko!

error

Enjoy this blog? Please spread the word :)

WordPress Cookie Plugin by Real Cookie Banner