Aña pasá a traha palabrashonnan nobo i e reglamentu ku ta bai kompañá pa esaki por drenta na vigor riba 1 di yanüari 2024. For di komienso di e aña aki e preparashonnan a kuminsá, pa asina tur organisashon por ta kla pa ehekutá e trabounan nobo. Diputado Eviton Heyliger di Saba, diputado James Kroon di Boneiru, komisario di gobièrnu sentral Alida Francis di Sint Eustatius i Maarten van Ooijen,
sekretario di estado di VWS a bini huntu awe, 7 di yüni, durante un enkuentro ku parsialmente a tuma lugá físikamente na Boneiru i parsialmente online. Tur partido enbolbí awe a suprayá nan kompromiso.
Base fuerte pa tur hende den Reino
Sekretario di estado van Ooijen: “Ku bon sosten sosial nos ta sòru ku tur persona por keda funshoná di forma independiente i keda biba na kas mas largu ku ta posibel, sin importá limitashon, malesa òf edat. Mi ta haña ku tur kaminda den Reino mester tin un nivel igual di kuido i sosten disponibel. Mi ta sumamente kontentu ku, e palabrashonnan aki, nos ta hasi un paso importante den direkshon di un base fuerte pa e sosten sosial.”
Partisipá den komunidat mas largu ku ta posibel
Meta di e palabrashonnan ta pa sostené abitantenan di Hulanda Karibense ku tin un malesa òf limitashon dor di por ehèmpel ofresé rekreashon òf guia. Na e momentu aki no tin reglamentu di esaki. Durante e bishita di e sekretario di estado a papia di nobo di e importansia di sosten sosial i di unda tur partido ta pará ku implementashon di e tareanan i responsabilidatnan nobo. Tur presente a indiká di ke komprometé nan mes na implementashon di e trayekto i na realisá e fecha di 1 di yanüari 2024.
