E Asosiashon di Spesialista di Aruba (ASHA) i e asosashon di staf Médiko di Kòrsou (MSCMC) ta anunsiá ku nan a firma un akuerdo di un aña destiná pa fomentá mihó kolaborashon entre e dos hòspitalnan. E partnership stratégiko aki ta buska di brinda servisio di atenshon médiko di kalidat haltu riba e islanan di Aruba i Kòrsou. Ademas, e akuerdo ta deskribí plannan pa posibel kolaborashon ku personal médikonan di e otro hòspitalnan ku ta miembro di DCHA (aliansa di hòspitalnan di islanan Karibe Hulandes) pa sigui mehorá e kalidat den region.

E panorama di atenshon médiko na Aruba i Kòrsou ta kla pa presensiá un transformashon signifikante na medida ku ASHA i MSCMC uni forsa. Dor di kombiná eksperensia, rekurso i konosementu, e dos organisashonnan tin komo ophetivo garantisá atenshon médiko di promé nivel na e komunidat lokal.

E esfuersonan di kolaborashon aki ta impliká un fase inisial ekstensivo di investigashon, ku ta kubri vários aspekto krusial pa un implementashon eksitoso di e partnership. E implikashonnan legal, métodonan di trabou, inkluyendo protokòlnan i prosesonan, i tambe e integrashon di práktikanan médiko riba e islanan, ta bai wòrdu eksaminá profundo i den e límitenan di e ámbito legal. E investigashon integral lo habri kaminda pa un sistema di kuido integral ku ta benefisiá pashèntnan i profeshonalnan médiko.

ASHA i MSCMC ta rekonosé e importansia di kolaborashon mas aya di nan mes islanan. Nan ta eksplorá aktivamente e oportunidat pa partner ku e otro hòspitalnan di Karibe Hulandes pa promové un elevashon di e standardnan médiko di hinter e region. Trahando huntu por probechá di rekursonan kompartí, i kontribuí na sigui mehorá e servisionan médikonan den e region.

Tantu ASHA komo MSCMC ta komprometí pa garantisá un proseso di integrashon efisiente.
Lo involukrá profeshonalnan médikonan, partidonan di interes i komunidatnan lokal pa rekompilá informashon i aportá na hinter e fase di investigashon. E enfoke inklusivo aki tin komo ophetivo pa aportá e nesesidatnan i preokupashon di tur partido envolví i fasilitá un transishon pa un sistema di salú mas konektá ku otro. Huntu, nan ta aspirá pa krea un esfera ku ta fomentá inovashon, kolaborashon i ekselensia, lokual na final lo trese mihó mihó resultado i satisfakshon di pashèntnan.

error

Enjoy this blog? Please spread the word :)

WordPress Cookie Plugin by Real Cookie Banner