Durante di e evento aki profeshonalnan di e tipo di aktividatnan aki a reuní pa establesé kontakto i kompartí konosimiento balioso. Ku mas di 40.000 bishitante e aña aki por afirmá ku e evento aki tabata un gran eksito.

Komo un primisia, ministerio di finansa di Kòrsou tabatin su mes “stand” pa duna informashon di un manera transparente i presiso riba e lei nobo i su ehekushon en antisipashon di e lei nobo ku ta trata regulashon di tiponan di wega di gaming i gambling.

Minister di Finansa tambe a pronunsiá un diskurso riba e kambionan legislativo durante e seshon bon konkurí ku a agotá tur entrada. Además, minister di finansa a sostené varios reunion ku varios stakeholders, interesadonan i operadó di plataformanan. E minister tambe a reuní ku otro reguladornan di e sektor di gaming, entre otro e Outoridat di Gaming di Malta, di Gran Bretaña, i e Komishon di Supervishon di Isle of Man.” Alex Pratt, direktor statutario di Clarion Events (kual ta organisá ICE), a deklará: “Nos ta enkantá ku e presensia di minister di finansa di Kòrsou i nos kier yamé bon bini na ICE. Supervisornan di henter mundu ta asistí anualmente na e evento aki i pa nos ta un onor ku minister Javier Silvania a skohé e seshon di World Regulatory Briefing di ICE-VOX pa anunsiá publikamente pa promé biaha e detayenan di e kambionnan legislativo proponé pa Kòrsou.”

Tabatin hopi interes i un positivismo abrumador di e sektor pa ku e kambionan. E delegashon di Kòrsou a sostené kombersashon ku más ku 500 bishitante. E operadornan tabata enkantá ku e esfuersonan pa mehorá e reputashon di Kòrsou, kual lo resultá den un oumento den e balor di e lisensianan. Minister Silvania a apuntá: “Aparte di a papia direktamente ku hopi operadó ku un (sup)lisensia di Kòrsou e siman aki, mi por deklará ku apsoluto konfiansa ku na momento ku e lei drenta na vigor (Landsverordening op de Kansspelen (“LOK”)) e lo tin un impakto inmediato i signifikativo.” E Gaming Authority ku pronto lo ser kreá lo tin kontrol direkto riba ortogamento, mantenimiento, aplikashon i kobro di lisensianan i pa promé bes e entradanan lo bai direktamente pa kaha di gobierno ku lo ta na benefisio di nos komunidat.

Manera ya ta konosí, introdukshon di LOK tin mayor prioridat pa minister di finansa. E ekspektativa semper tabata ku LOK lo duna un impulse nobo na ekonomia di Kòrsou i asina krea mas kupo di trabou. E eksperensia i kombersashonnan ku a ser hibá durante e konferensia di ICE ta konfirmá plenamente e konvikshon aki. Aktualmente tin solamente 4 titular ku lisensia, miho konosí komo master license holders, ku ta paga kada unu NAf 10,000 mensualmente na gobièrnu. E master license holders aki ta ortogá sentenares di “suplisensia.” Ta kalkulá ku tin mas ku 600 operadó ku un suplisensia di Kòrsou. E fundashon Curaçao Gaming Control Board no por supervisá e operadonan di e suplisensianan aki i tampoko ta benefisiá di esaki ya ku e entradanan ta keda den man di e master license holders. E sektor aki no ta krea tampoko ningun kupo di trabou pa Kòrsou, ya ku nan ta ser representá pa un kompanía di trust. A yega e momento pa trese un kambio na e situashon aki, di akuerdo ku minister di finansa señor Javier Silvania. LOK lo garantisá ku tur operadó denter di un periodo di 5 aña lo mester tin minimal 3 empleado prinsipal fulltime na Kòrosu.

Minister di finansa lo sigi vigilá i kuida e proseso di legislashon di LOK pa asina LOK lo por drenta na vigor a aña aki i komunidat di Kòrsou lo por kuminsa benefisiá di e sektor aki.

error

Enjoy this blog? Please spread the word :)

WordPress Cookie Plugin by Real Cookie Banner