For di 4 di yüli 2022, no ta usa mas e kaya di tèst di Salubridat Públiko. For di 4 di yüli 2022, hendenan ku keho di corona mester tèst, solamente ku sita via 0800 0800, na BonLab. Siudadanonan i bishitantenan ku keho di corona por yama 0800 0800 gratuitamente pa un tèst di corona na BonLab.
Bishitantenan ku un number di eksterior, por yama +599 715 5399, e number akí no ta grátis.
E kantidat di tèst na e kaya di tèst di Salubridat Públiko a baha. Esei ta bini entre otro pa motibu ku a eliminá karentena. Kontaktonan estrecho di un persona kontagiá sin keho, tampoko no mester tèst mas. Solamente nan mester tèst si nan tin keho.
Na Boneiru no tin medida di corona mas. Pero e virùs tei ketu bai. Salubridat Públiko ta enfatisá ku ta importante pa sigui e reglanan básiko. Pues laba man regularmente, tosa/nister den èlebog, laga airu pasa frekuentemente den espasio i tèst ora tin keho. Pasamentu di angua solamente den bario
For di 30 di yüni 2022, habitantenan por pasa e anguanan di corona i di buster solamente den bario. E ora ei no ta posibel mas pa pasa e anguanan di corona i di buster riba djasabra na Kompleho Deportivo Jorge Nicolaas. For di e dia ei, habitantenan por pasa tur djaweps sin sita na dos bario pa e anguanan di corona
òf e angua di buster. Na Boneiru, 68,4 % di poblashon a pasa dos angua di corona, 42,1 % a pasa e
angua di buster. Den práktika tin awor ménos hende ku ta pasa e anguanan di corona òf e angua di buster. P’esei e departamentu di Salubridat Públiko a disidí pa no sigui pasa e anguanan kontra corona den e sala grandi di deporte. Pasamentu di angua den bario ta atraktivo tambe pa habitantenan di edat mas haltu òf hendenan ku no tin transporte propio. Salubridat Públiko tin bon eksperensia ku pasamentu di angua den bario. Dia i ora pa pasa angua den bario
Djaweps 7 di yüli 2022 10:00-12:30 Kas bieu di famia Schermer, Rincon, enfrente ofisina ouksiliar di gobièrnu 13:30-16:00 Sentro di Bario Nort’i Saliña
Djaweps 14 di yüli 2022 10:00-12:30 Plasa Chicu Goeloe, Antriòl 13:30- 16:00 Ofisina di dòkter Eijsenga, Tera Kòrá Djaweps 21 yüli 2022 10:00-12:30 Kas bieu di famia Schermer, Rincon, en frente ofisina ouksiliar di gobièrnu Djaweps 28 di yüli 2022 10:00-12:30, Plasa Chicu Goeloe, Antriòl 13:30-16:00, Ofisina di dòkter Eijsenga, Tera Kòrá
