Ofisina di Turismo di Kòrsou (CTB) kompañá pa diferente partner den sektor privá tabata presente na Vakantiebeurs 2024. E stènt di Kòrsou a konta ku partisipashon di 16 representante di entre otro hotèlnan, skol di buseo i atrakshonnan turístiko. E aña aki Kòrsou su presensia na e feria turístiko tabata ainda mas grandi mirando ku banda di e stènt impreshonante di Kòrsou, Luxury Travel Trips tambe tabata presente ku su stènt ku partisipashon di 4 partner for di Kòrsou. Ademas, den e stènt di TUI tabatin un ‘Curaçao desk’ pa asistí bishitantenan interesá spesífikamente den Kòrsou i na e stènt di Corendon e tim di e hotèlnan di Corendon tabata kompartí informashon di nan akomodashonnan na Kòrsou.

Na e stènt di Kòrsou, e bishitantenan a keda informá di diferente pakete di biaha atraktivo, Kòrsou su kalendario di evento i atrakshonnan turístiko. Tur aña e stènt di Kòrsou ta un di esnan mas popular i nos pais un di e destinashonnan faborito den Vakantiebeurs. Loke a hala hopi atenshon e biaha aki tabata e dushi pasapalunan i kosnan di boka dushi di Kòrsou, presentando di e manera aki Kòrsou su delisianan kulinario.

CTB ta gradisí partnernan di sektor privá ku e aña aki a forma parti di e tim di Kòrsou; Acoya Curaçao Resort Villas & Spa, Landhuis Chobolobo, Coral Estate Luxury Resort, Courtyard by Marriott Curaçao, Dolphin Academy Curaçao, DeLynne Resort Curaçao, Dolphin Suites & Wellness Curaçao, Hyatt Inclusive Collection, Kunuku Aqua Resort, Miss Ann Boat Trips, Morena Eco Resort, Renaissance Wind Creek Curaçao Resort, Sandals Royal Curaçao, Scuba Lodge,  Samurai Curaçao, Papagayo Beach Resort, Banda Bou Catering i Breakfast D-Luxe Cakes & More. Tambe un danki ta bai na e stènt di TUI ku e ‘Curaçao desk’, e stènt di Corendon konsistiendo di Mangrove Beach Corendon Curaçao, The Rif i Livingstone Jan Thiel Resort i na Luxury Travel

Trips ku partisipashon di Lions Dive Beach Resort Curaçao, Avila Beach Hotel, Scuba Do Curaçao i BlueFinn Charters Curaçao. Vakantiebeurs 2024, e feria mas grandi pa biaheronan hulandes a resultá un biaha mas e plataforma ideal pa promové Kòrsou komo e destinashon turístiko number unu den Karibe.

error

Enjoy this blog? Please spread the word :)

WordPress Cookie Plugin by Real Cookie Banner