Orco Bank ta anunsiá ku Centrale Bank di Kòrsou i Sint Maarten (CBCS) a duna aprobashon na Orco Bank N.V. pa akshoná riba e aktivonan di CIBC First Caribbean na Kòrsou i Sint Maarten riba 15 di Yanüari, 2024. Esaki ta marka e komienso di un fase di transishon substanshal ku lo kubri dos teritorio, i miles di kuenta, i ta spera ku lo tarda algun luna pa finalisá.

Según Sr. Edward Pietersz, CEO i Managing Director di Orco Bank: “Miéntras e transishon signifikante aki, akshonando riba e aktivonan di CIBC FirstCaribbean na Kòrsou i Sint Maarten ta tuma lugá, nos prioridat ta keda firme – garantisá kontinuidat di servisio superior ku klientenan semper a balorá.” E ekipo di Orco Bank i CIBC FirstCaribbean ta traha huntu pa fasilitá finalisashon di e transishon aki sin interrupshon di servisio na kliente. Atkisishon di e aktivonan di CIBC FirstCaribbean ta un momentu signifikante den e trayektoria di Orco Bank, reflehando nos dedikashon na bienestar finansiero di nos kliente na Kòrsou i Sint Maarten. Durante e periodo di transishon aki, nos enfoke ta riba komunikashon kla i kontinuo ku nos
klientenan, garantisando ku nan ta informá i sostení den tur paso, segun Sra. Désirée Alberto-
Martina, Managing Director di operashonnan bankario.

Banko tin plan pa huza diferente kanal di komunikashon manera medionan sosial, medio tradishonal,
ku ta inkluí komunikashon direkto via email i karta entre otro, pa sigurá ku nos klientenan ta informá
debidamente riba desaroyonan i kambionan ku por ta influensha riba nan persona. Orco Bank ta komprometí na siguí ku e herensia di brindá servisio ekselente na klientenan, dor di ofresé un gama kompletu di producto i servisionan diseñá pa logra e meta finansiero di nos kliente na
Kòrsou i Sint Maarten. Awor ku nos a kuminsá riba e kaminda nobo aki, nos ke sigurá komunidat di Kòrsou i Sint Maarten di nos dedikashon inkebrantabel na bienestar finansiero i na kalidat di servisio ku semper a gosá di dje di parti di Orco Bank.

error

Enjoy this blog? Please spread the word :)

WordPress Cookie Plugin by Real Cookie Banner