Durante e próksimo lunanan Ofisina Sentral di Estadístika (CBS) lo ehekutá un investigashon bou di sektor empresarial riba e islanan di Hulanda Karibense, komo parti di enkuesta riba Kuenta Nashonal. E aña di investigashon ta 2022. E investigashon aki tin komo meta pa hasi un inventarisashon di desaroyo ekonómiko riba Bonaire, Saba i Sint Eustatius. CBS lo aserká e empresanan riba e tres islanan pa kompletá e kuestionario.

CBS lo publiká e resultadonan di e investigashon den e último kuartal di aña 2024.
Algun resultado di e investigashon di 2021:
 Despues di e bahada grandi di 8.4 porshento na 2020, ekonomia di Boneiru a krese ku 11.7 porshento na 2021. Na Sint Eustatius, ekonomia a krese ku 21.1 porshento. Na Saba, ekonomia a krese ku 3.0 porshento.
 E kantidat di turista ku a bishitá Boneiru ku avion a subi for di 66 mil na 2020 pa 111.3 mil na 2021. Pa e motibu aki, e balor agregá di hotèl- i restorantnan i di kultura, deporte i rekreashon (prinsipalmente kasino- i skolnan di buseo) a subi ku respektivamente 47.1 i 28.1 porshento. Komersio tambe a benefisiá di e oumento di turismo. E balor agregá den komersio a oumentá ku 19 porshento.
 E kresementu fuerte di 21,1 porshento na Sint Eustatius ta debí prinsipalmente na algun kompania grandi riba e isla. Nan produkshon ta prinsipalmente enfoká riba eksportashon i ta dependé di e demanda pa zeta den e region.
 E kantidat di turista ku a bishitá Saba via avion a subi di 2,7 mil na 2020 pa 4,0 mil na 2021, ya ku for di promé di mei 2021 Saba a bolbe duna bon bini na turistanan for di paisnan ku un riesgo abou. Esaki a resultá den un demanda mas grandi pa servisio di restorant, hotèl i taksi i pa koriente na e isla. Pa e motibu aki tambe e produkto interno bruto di Saba a subi ku 3,0 porshento na 2021.

Pa por garantisá éksito di e investigashon riba tur tres isla, CBS ta pidi kooperashon di tur empresa. Pa lei, CBS tin e obligashon di trata tur dato rekolektá na un manera estriktamente konfidensial. Pa mas informashon i pregunta of yudansa ku e kuestionario por tuma kontakto ku ofisina di CBS.

error

Enjoy this blog? Please spread the word :)

WordPress Cookie Plugin by Real Cookie Banner