Durante 4 di yüni pa 10 di yüni ultimo, tabatin e kurso di umpire (U2 Umpire Opleiding) organisá pa federashon den formashon di beisbol I sòftbòl na Boneiru(FBSB) ku INDEBON i Plaza Dive & Beach Resort komo spònser.
Un totat di 14 kursista a sigui e kurso i a sa di kaba esaki ku éksito durante e periodo ariba menshoná. FBSB ta super kontentu i orguyoso di tur e kursistanan aki i tambe kon aktivo nan tabata durante e kurso.
Awor Boneiru tin 14 umpire nobo pa sigui kontribuí den e mundu di beisbol i sòftbòl. Ta trata di Cleordino Cicilia, Yurell de Caster, Marvin Hart, Ronald Thode, Myrchilo Martis, Marnick Boekhoudt, Ytala Seket, Rachid Valpoort, Jaselique Naaldijk, Edel Calmes, Ivan Thielman, Arys Ventura, Sherman Sintjacoba i Marionela Josephia.
E umpire nan ku a optené nan U2 ta bino na remarke pa sigi pa e U3 Umpire Opleiding.
Tambe FBSB a tuma e oportunidat pa honra sinku persona ku tabata aktivo ántes komo umpire boluntario den beisbòl i sòftbòl aki na Boneiru. Ta trata aki di Lucrecio Statie, Marcolino Alberto, Eric Soleana, John Nicolaas, Benjamin Statie.
Un danki ta bai un biaha mas na e entrenadó nan Marwin Kleinmoedig i Ric Zwanenberg ku a hasi un tremendo trabou durante e kurso i tambe na nos spònser nan. Masha pabien i keda pendiente pa mas di kursonan ku FBSB ta bai sigui bringa pa asina pone e mundu di beisbòl i sòftbòl riba nivel haltu.
