Bonaire Overheidsgebouwen (BOG) NV ta e promé kompania ku ta kai bou Bonaire Holding Maatschappij (BHM) ku ta up-to-date ku responsabilisashon finansiero. 20 Di òktober último, akountent a entregá kuenta anual 2022 ku deklarashon aprobativo. Segun e akountent independente e sifranan ta duna un imágen realístiko di situashon finansiero di e kompania akí. 11 Di desèmber próksimo, BHM ta aprobá esaki den un Reunion General di Akshonista. Ademas BHM ta na espera di kuenta anual 2022 di Tourism Corporation Bonaire (TCB), ku ta pidiente pa keda entregá otro siman ku deklarashon di akountent aprobativo. Ku esei TCB ta e di dos kompania ku ta kai bou di BHM ku ta logra kita su retraso. Normalmente gerensia di kada kompania mes ta responsabel pa maneho finansiero, pero tantu BOG komo TCB a skohe pa laga BHM keda enkargá ku nan atministrashon. BHM ta gradesido pa e konfiansa,
mas ainda pasobra a logra e resultado deseá.

Mehorashon di ‘corporate governance’
For di novèmber 2020 a nombra direktor Adely Susana-Jansen pa prinsipalmente traha na mehorashon di ‘corporate governance’ di e kompanianan ku ta kai bou di BHM. “Tempu ku mi a kuminsá, mi a topa algun atministrashon finansiero desastroso. E kompanianan supsidiario tabata kana hopi tras ku nan relatonan anual. E último relatonan finansiero ku a kontrolá tabata di 2015. P’esei tambe mi ta super orguyoso ku e kompanan BOG i TCB, tòg a logra awor pa den un tempu asina kòrtiku pone nan finansa korportivo na òrdu.”

error

Enjoy this blog? Please spread the word :)

WordPress Cookie Plugin by Real Cookie Banner