“Willemstad ta oro, ta asuntu di konsolidá esaki.” Esaki tabata e titulo di un artíkulo den korant di
mas ku 4 aña pasa. E proseso di konsolidashon i desaroyo a kuminsá durante e añanan aki, pero
ainda tin hopi desaroyo ku por tuma lugá pa konsekuensia di e konsolidashon aki. E edishon lustro
di “Invest in Willemstad” a konkluíriba 5 di december. Pa e mayoria di e 100 partisipantenan, ta
keda kla ku durante e último 5 aña a invertí hopi den Willemstad, pero pa e añanan benidero,
ainda tin hopi desaroyo den ekspektativa.
E edishon lustro di Invest in Willemstad tabatin un programa amplio ku intenshon pa konvense tantu
invershonistanan lokal komo internashonal di e potenshal di Willemstad komo un siudat históriko
auténtiko ku un meskla úniko di kultura Hulandes i Karibense, kaminda ainda tin hopi oportunidat pa
invertí i hasi negoshi. Tabata tin 3 tipo di partisipante den e summit aki: desaroyadónan di proyekto i
invershonistanan, empresarionan interesa den hasi negoshi den sentro di siudad, i empresarionan ku
ta fasilitá, manera konstrukshon, suministradónan, arkitektonan, i mas.

Na e apertura di Invest in Willemstad, a menshona dft. Hans de Boer, kende tabata presidente di
VNO-NCW na 2019 i su amigu na Kòrsou, Rob van den Bergh, kende tur dos tabata kere den e
potenshal ekonómiko di Willemstad. Tin momentu ku hende por tin un bon idea, pero esei no ta
nifiká ku e ta kuadra ku realidat, i pa e motibunan aki nan a disidí pa konbensé empresarionan
Hulandes i di Kòrsou ku ta bon pa invertí i hasi negoshi den Willemstad. Despues di hopi esfuerso, e
metanan a wordu lográ.

Billy Jonckheer, Presidente di Kámara di Komèrsio, a referí na e echo ku, spesialmente dor di e
summit di invershon aki na 2019 i esnan ku a wordu organisa na un skala mas chikitu na 2020-2022
dor di pandemia, hopi invershon a konkretisá i a kuminsá ku hopi proyèkto. Tur esakinan a resultá
den kresementu di konsientisashon riba e topiko di Willemstad. Jeanette Bonet, direktor interino di
CINEX (Curaçao Investment and Export Promotion Agency), a enfatisá e efekto positivo ku e
“herensha kultural” tin riba invershonnan den Willemstad. Pa mundu eksterior, e siudat históriko di
Willemstad ta ofresé un oportunidat úniko pa invertí di un manera duradero.

Pa e añanan benidero tin hopi proyèkto, grandi i chikí, na horizonte. Algun di nan a kuminsá, otro
ainda ta pendiente. Segun un estimashon preliminar di ekonomista Rob van den Bergh, ta hopi
realistiko ku den e próksimo 5 aña lo invertí entre 800 i 1000 miyon florin na Willemstad. Un di e
proyektonan aki ta e proyekto di Waterfort-Plaza, kual a ser kumprá pa APC mas ku 3 aña pasá. Tin
posibilidat ku desmantelashon i rekonstrukshon di Plaza por kondusí na pérdida di e status di
Herensha Mundial di Unesco di Willemstad. Pa Minister Charles Cooper di VVRP, esaki ta un motibu
pa pone na duda si nos mester sigui ku Unesco i si e status di herensha mundial ta duna benefisio na
Kòrsou. Minister Ruisandro Cijntje, na otro banda, a mira e status di herensia mundial komo parti di
esfuerso pa hasi di Willemstad un luga bunita pa nos hendenan, turista, digital nomads, “all by all a
thriving community.”

Dino Daal a ilustrá klaramente ku e status di Unesco ta duna benefisio i por duna mas benefisio
ainda. Ta bon pa kuantifiká i analisá tantu e bon komo e malu di esaki. Kura Hulanda, segun Arjen
van der Meulen, ta asina trahá ku e ta forma parti di Otrobanda ku un variedat di funshonnan,
manera residensia permanente den e kasnan i apartamentunan ta un parti esensial di dje. E
presidentenan di e kuater distritonan Punda, Otrobanda, Scharloo, i Pietermaai ta mira nan bario
den e próksimo sinku pa dies aña desaroyá positivamente, maske ku Marcel Dennert a nota ku tin
algun retonan ku mester atende ku n’e pe por logra e desaroyonan aki.

Un benefisio ta ku insentivon fiskal ta disponibel den Willemstad, i subsidionan den algun kaso, loke
ta “masha atraktivo,” segun Walter Blijleven di Curaçao Heritage Fund. Minister Javier Silvania, ku ta
responsabel pa fasilidatnan di impuesto, tambe tabata di e mes opinion. Den kuadro di esaki e a
menshoná un oportunidat ekonómiko: e perspektiva ku kompanianan di “online gaming” lo mester
obligatoriamente habri un ofisina fisiko pa krea “substance.” E ofisinanan ei por hasi uso di
edifisionan den Willemstad.

Un punto di atenshon ta e falta di un plan maestro di planifikashon urbano transparente pa
Willemstad, mas invershonnan públiko den fondonan pa konservashon di nos monumentonan na
luga di korta den e presupuestonan aki, maneho di siudad, invershon den infrastruktura públiko,
edifisionan di gobiernu ku ta pará bashi i aplikashon di reglanan eksistente. Segun Minister Cooper, e
mayoria di e kritika ku ta tin awor di organisashonnan di monumento, organisashon di bario i
empresarionan lo ser abordá e aña benidero.
A pesar di algun nota kritiko, tin hopi proyèkto privá ku ta bai kuminsá of ya a kuminsá. Famianan i
penshonadonan por biba den siudat den futuro di manera agradabel i komfortabel. Pa un
invershonista òf empresario, e ta kwestión di djoin awor pa kaba di konsolidá den futuro.

error

Enjoy this blog? Please spread the word :)

WordPress Cookie Plugin by Real Cookie Banner