Prome Minister Evelyn Wever – Croes a expresa di ta sumamente orguyoso di trabou eherci door di instancianan na Aruba di sector publico, semi publico y priva.
Diahuebs Gobierno di Aruba a ricibi e informacion cu Aruba tin un regimen di AML/CFT excelente. Cual ta algo cu Aruba mester ta hopi orguyoso di dje. Prome Minister a splica cu desde 2017 cu ta den Gobierno, ta trahando cu un stuurgroep AML/ CFT cual ta lidera door di Prome Minister Wever – Croes, hunto cu profesionalnan cu ta asisti Gobierno den esaki. Enfoke di e stuurgroep ta riba e tema di labamento di placa y financiamento di terorismo. Pues e evaluacion excelente cu Aruba a ricibi ta bin di esfuerso grandi di e profesionalnan di sector publico, semi publico y di sector priva.
๐ฃ๐ฟ๐ผ๐ฐ๐ฒ๐๐ผ ๐ฑ๐ถ ๐ฝ๐ฟ๐ฒ๐ฝ๐ฎ๐ฟ๐ฎ๐ฐ๐ถ๐ผ๐ป ๐ฝ๐ฎ ๐ฒ ๐ฒ๐๐ฎ๐น๐๐ฎ๐ฐ๐ถ๐ผ๐ป
Na aรฑa 2018 te cu 2020 a conduci un โNational Risk Assesmentโ di labamento di placa y terorismo akinan na Aruba. E ta un metodologia di World Bank, pa haci evaluacion di e riesgonan di labamento di placa of financiamento di terorismo na nivel nacional. Pues esaki a haci entre 2018 y 2020 cu sector publico y sector priva. Tur esaki den preparacion pa e evaluacion. Adicionalmente a cambia e ley โLandsverordening voorkoming witwassen en terrorisme financiering (LWTF)โ na 2021.
Prome Minister Wever – Croes a splica cu preparacion pa e evaluacion a cuminsa na aรฑa 2018 y mester a haya e evaluacion na 2020, pero esaki a wordo posponi debi na Covid. Durante di e periodo aki Aruba mester a manda hopi informacion pa CFATF. Mester a documenta e leynan y con ehecusion den practica ta dirigi pa combati labamento di placa y financiamento di terorismo. Despues di esey, e grupo mes di CFATF cu a evalua Aruba, a bin Aruba pa haci โon-site visitโ den e periodo di 30 di augustus te cu 10 di september 2021. E assessment team aki a reuni cu tur e stakeholders di sector publico y priva, pa scucha con e practica ta, y si esey ta di acuerdo cu e documentonan cu a manda prome y evalua si esey ta suficiente. Unabes cu e โon-site visitโ a keda cla a sigui e proceso di e rapport mes. E rapport a wordo traha den concepto basa riba locual e assesment team a traha y el a wordo manda Aruba pa repasa. Despues tabatin reunion riba e contenido pa asina trata e conclusionnan di e assesment team. Esaki a tuma luga durante e lunanan mei y juni 2022.
๐๐ฝ๐ฟ๐ผ๐ฏ๐ฎ๐ฐ๐ถ๐ผ๐ป ๐ฑ๐ถ ๐ฒ ๐ฟ๐ฎ๐ฝ๐ฝ๐ผ๐ฟ๐
Premier Wever – Croes a splica cu 2 di juni tabatin e reunion plenario via Zoom y e orey e rapport a wordo aproba. Despues di esaki nan a repasa e calidad y consistencia internacionalmente caminda ta compare cu otro paisnan similar. E resultado di esaki ta, cu ningun otro pais tabatin nada mas di aรฑadi na e rapport y asina e rapport a wordo aproba pa loke ta calidad y consistencia tambe.
๐ฅ๐ฒ๐๐๐น๐๐ฎ๐ฑ๐ผ ๐ฑ๐ถ ๐ฒ๐๐ฎ๐น๐๐ฎ๐ฐ๐ถ๐ผ๐ป
Aruba a sali number dos den henter Caribe pa loke ta e evaluacion di CFATF. E pais Bermuda a sali number uno den e evaluacion.
Ta mira cu varios otro pais den Caribe tin problema pa pasa e evaluacion, pues e resultado di Aruba ta uno cu ta sumamente orguyoso di dje, danki na e trabou cu a wordo haci door di tur e instancianan publico, semi publico y sector priva.
๐๐ฟ๐ฎ๐ฑ๐ถ๐ฐ๐ถ๐บ๐ฒ๐ป๐๐ผ
Prome Minister Wever – Croes a gradici Banco Central di Aruba cu a yuda financia e โNational Risk Assesmentโ, pasobra sin esey no por a deteca e riesgonan na tempo pa traha riba nan. Tambe tur stakeholders den sector publico manera Banco Central di Aruba, FIU/MOT, Ministerio Publico, Aduana, Camara di Comercio, Cuerpo Policial, Departamento di Asuntonan Economico y Departamento di Legislacion.
Banda di e stakeholders di sector publico y semi publico, tin sector priva manera banco, companianan di seguro, companianan di transferencia di placa, companianan di โtrust servicesโ, notarionan, abogadonan, real estates, car dealers y joyerianan.
Concluyendo Prome Minister a gradici tur miembro di e stuurgroep AML/CFT y DWJZ cu a lidera e trabounan aki y Minister di Finansa Xiomara Maduro cu a brinda asistencia cu su experticio den e proceso aki. Ta felicita Aruba cu e resultado positivo aki.
